ஆளுநர் ஆர்.என்.ரவிக்கு எதிராக கருப்புக் கொடி: போலீசார் அதிரடி நடவடிக்கை!

சேலம் மாவட்டத்திற்கு வந்துள்ள ஆளுநர் ஆர்.என். ரவிக்கு எதிர்ப்பு தெரிவித்து கருப்பு கொடி காட்டியவர்களை போலீசார் கைது செய்தனர்.

தமிழக ஆளுநர் ஆர்.என். ரவி சேலம் பெரியார் பல்கலைக்கழகத்தில் நடைபெறும் ஆய்வுக் கூட்டத்தில் பங்கேற்க சென்னையில் இருந்து விமான மூலம் சேலத்திற்கு வந்துள்ளார்.

மேலும் பல்கலைக்கழக துணைவேந்தர் ஜெயகாந்தலுடன் ஆளுநர் ஆலோசனை நடத்த உள்ளார். இந்நிலையில் குற்ற வழக்கில் கைது செய்யப்பட்டு ஜாமினில் வெளிவந்த பல்கலைக்கழக துணை வேந்தரை ஆளுநர் சந்திப்பதற்கு எதிர்ப்பு தெரிவிக்கும் வகையில் மாணவர் அமைப்பினர் மற்றும் பல்வேறு கட்சியினர் கருப்பு கொடி காட்டியதால் பெரும் பரபரப்பு நிலவியது.