#மாண்டஸ் புயல் :: தஞ்சாவூரில் பள்ளி கல்லூரிகளுக்கு இன்று விடுமுறை..!!
Schools and colleges holiday in Thanjavur due to storm warning
தென்கிழக்கு வங்க கடலில் நிலவிய ஆழ்ந்த காற்றழுத்த தாழ்வு மண்டலம் மேற்கு வட மேற்கு திசையில் நகர்ந்து இன்று அதிகாலை தென்கிழக்கு வங்க கடல் பகுதிகளில் புயலாக வளைந்துள்ளது.
மாண்டஸ் என பெயர் சூட்டப்பட்ட இந்த புயல் மேற்கு வட மேற்கு திசையில் நகர்ந்து வட தமிழகம்-புதுவை மற்றும் அதனை ஒட்டிய தெற்கு ஆந்திர கடலோர பகுதிகளை நோக்கி நகர்ந்து வருகிறது. இதன் காரணமாக இன்று தமிழகத்தில் கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, மாவட்டங்கள் மற்றும் காரைக்கால் பகுதிகளில் ஓரிரு இடங்களில் கன முதல் மிக கனமழை இந்திய வானிலை ஆய்வு மையம் அறிவித்துள்ளது.
அதேபோன்று தமிழக கடலோர மாவட்டங்கள், புதுவை மற்றும் காரைக்கால் பகுதிகளில் அநேக இடங்களிலும் உள் தமிழக மாவட்டங்களில் ஒரு சில இடங்களிலும் இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் எச்சரிக்கை விடுத்துள்ளது.
இந்நிலையில், கனமழை முன்னெச்சரிக்கை காரணமாக திருவாரூர் மாவட்டத்தில் பள்ளிகளுக்கு மட்டும் இன்று விடுமுறை அளிக்கப்படுவதாக மாவட்ட ஆட்சியர் காயத்ரி கிருஷ்ணன் நேற்று அறிவித்திருந்த நிலையில் இன்று தஞ்சாவூர் மாவட்டத்திலும் பள்ளி கல்லூரிகளுக்கு விடுமுறை அளிக்கப்படுவதாக மாவட்ட ஆட்சியர் தினேஷ் பொன்ராஜ் ஆலிவர் அறிவித்துள்ளார்.
English Summary
Schools and colleges holiday in Thanjavur due to storm warning