தூத்துக்குடி: மோட்டார் சைக்கிள் மீது லாரி மோதிய விபத்தில் இளைஞர் பலி

தூத்துக்குடி மாவட்டத்தில் மோட்டார் சைக்கிள் மீது லாரி மோதிய விபத்தில் இளைஞர் ஒருவர் உயிரிழந்துள்ளார்.

திருநெல்வேலி மாவட்டம் வி.எம் சத்திரம் பகுதியை சேர்ந்தவர் காளிதாஸ் (21). இவர் தூத்துக்குடி சேரகுளத்தில் ஒர்க் ஷாப் வைத்து நடத்தி வந்தார். இந்நிலையில் நேற்று இரவு காளிதாஸ், திருநெல்வேலி இட்டடி அருகே இருசக்கர வாகனத்தை பழுது பார்த்துவிட்டு மீண்டும் ஒர்க் ஷாப் நோக்கி மோட்டார் சைக்கிள் சென்று கொண்டிருந்தார்.

அப்பொழுது சிரியந்தூர் பகுதியில் சென்றபோது, முன்னாள் சென்ற லாரியை காளிதாஸ் முந்த முயன்றபொது எதிர்பாராதவிதமாக மோட்டார் சைக்கிள் மீது லாரி மோதியது.

இதில் காளிதாசன் பலத்த காயமடைந்த நிலையில் சிகிச்சைக்காக மருத்துவமனைக்கு கொண்டு சென்றனர். ஆனால் காளிதாஸ் மருத்துவமனைக்கு செல்லும் வழியிலேயே பரிதாபமாக உயிரிழந்துள்ளார்.