ஐசிசி டெஸ்ட் கிரிக்கெட் வீரர்களின் புதிய தரவரிசை பட்டியலை நேற்று வெளியிட்டது. அதன்படி, பேட்ஸ்மேன்கள் தரவரிசை பட்டியலில் ஆஸ்திரேலிய வீரர் மார்னஸ் லாபஸ்சாக்னே 916 புள்ளிகளுடன் முதலிடம் பிடித்துள்ளார். இங்கிலாந்து வீரர் ஜோ ரூட் 876 புள்ளிகளுடன் 2வது இடம் பிடித்துள்ளார். ஆஸ்திரேலிய வீரர் ஸ்டீவ் ஸ்மித் 857 புள்ளிகளுடன் மூன்றாவது இடத்தை பிடித்துள்ளார். இந்திய அணியின் கேப்டன் ரோகித் சர்மா 754 புள்ளிகளுடன் 7வது இடத்திலும், விராட்கோலி 742 புள்ளிகளுடன் 8-வது இடத்திலும், ரிஷப் பண்ட் 738 புள்ளிகளுடன் 10வது இடத்திலும் உள்ளார். 

பந்துவீச்சாளர்கள் தரவரிசைப் பட்டியலில் ஆஸ்திரேலிய வீரர் பேட் கம்மின்ஸ் 886 புள்ளிகளுடன் முதலிடத்தில் உள்ளார். இந்திய அணியின் இந்திய வீரர் ரவிச்சந்திரன் அஸ்வின் 850 புள்ளிகளுடன் 2-வது இடத்தில் உள்ளார். தென்ஆப்பிரிக்கா வீரர் ரபாடா 835 புள்ளிகளுடன் 3-வது இடத்தில் உள்ளார். இந்தியனின் வீரர் பும்ரா 830 புள்ளிகளுடன் 4-வது இடத்தில் உள்ளார்.

ஆல்-ரவுண்டர்கள் தரவரிசைப் பட்டியலில் இந்திய அணியின் நட்சத்திர வீரர் ரவீந்திர ஜடேஜா 385 புள்ளிகளுடன் முதலிடத்தில் உள்ளார். வெஸ்ட் இண்டீஸ் வீரர் ஜேசன் ஹோல்டர் 357 புள்ளிகளுடன் இரண்டாவது இடத்தில் உள்ளார். இந்திய அணி வீரர் ரவிச்சந்திரன் அஸ்வின் 341 புள்ளிகளுடன் 3-வது இடத்தில் உள்ளார்.