பதிலடி கொடுக்குமா இந்தியா.. இந்தியா ஆஸ்திரேலியா அணிகள் 2-வது டி20 போட்டி இன்று மோதல்.!

இந்தியா ஆஸ்திரேலியா அணிகள் மோதும் 2-வது டி20 போட்டி இன்று நடைபெறுகிறது.

இந்தியாவில் சுற்றுப்பயணம் மேற்கொண்டுள்ள ஆரோன் பிஞ்ச் தலைமையிலான ஆஸ்திரேலிய அணி மூன்று டி20 போட்டிகள் தொடரில் விளையாடி வருகிறது.

இந்தியா - ஆஸ்திரேலியா அணிகளுக்கு இடையேயான முதல் டி20 போட்டி பஞ்சாப் மாநிலம் மொஹாலி மைதானத்தில் நேற்று நடைபெற்றது. இதில், இந்திய அணியை 4 விக்கெட் வித்தியாசத்தில் வீழ்த்தியதன் மூலம் 3 போட்டிகள் கொண்ட தொடரில் ஆஸ்திரேலியா 1-0 என்ற கணக்கில் முன்னிலை வகிக்கிறது.

இந்த நிலையில் இரு அணிகளும் மோதும் 2ஆவது டி20 போட்டி நாக்பூரில் இன்று இரவு 7 மணிக்கு நடைபெறுகிறது.

இன்றைய போட்டியில் வெற்றி பெற்று தொடரை தக்கவைக்க இந்திய அணியும், அதேபோல் தொடரை வெல்ல ஆஸ்திரேலியா அணியும் முனைப்பு காட்டும் என்பதால் இன்றைய போட்டி விறுவிறுப்பாக அமையும் என ரசிகர்களால் எதிர்பார்க்கப்படுகிறது.