ஐபிஎல் கிரிக்கெட் தொடரில் புதிதாக தொடங்கப்பட உள்ள லக்னோ அணியின் ஆலோசகராக முன்னாள் இந்திய அணியின் கிரிக்கெட் வீரர் கௌதம் கம்பீர் நியமிக்கப்பட்டுள்ளார்.

முன்னாள் இந்திய கிரிக்கெட் அணியின் வீரரான கௌதம் கம்பீர் தற்போது கிழக்கு டெல்லி தொகுதியின் மாநிலங்களவை உறுப்பினராக பதவி வகித்து வருகிறார். ஆனாலும் கூட தொடர்ந்து இந்திய கிரிக்கெட் அணியை பற்றிய விமர்சனங்களை வைத்து வருகிறார்.

மேலும், இந்திய அணி 2007 டி20 உலகக் கோப்பை மற்றும் 2011 50 ஓவர் உலகக் கோப்பை வெற்றி பெற முக்கியக் காரணமாக இருந்தவர் என்பது குறிப்பிடத்தக்கது.

இவர் ஐபிஎல் தொடரில் கொல்கத்தா நைட் ரைடர்ஸ் அணிக்காக கேப்டனாக செயல்பட்டு 2012 மற்றும் 2014 ஆகிய ஆண்டுகளில் கோப்பையை வென்று கொடுத்தார் என்பது குறிப்பிடத்தக்கது.

It’s a privilege to be in the contest again. Thanks Dr.Goenka for incl me in #LucknowIPLTeam as its mentor.The fire to win still burns bright inside me, the desire to leave a winner’s legacy still kicks me. I won’t be contesting for a dressing room but for the spirit & soul of UP

— Gautam Gambhir (@GautamGambhir) December 18, 2021

இந்த நிலையில் அடுத்த ஆண்டு ஐபிஎல் தொடரில் புதிதாக களமிறங்க உள்ள லக்னோ அணியின் ஆலோசகராக கௌதம் கம்பீர் நியமிக்கப்பட்டுள்ளார். மேலும், இது குறித்து பேசிய அவர் 'மீண்டும் கிரிக்கெட்டில் இருப்பது பாக்கியம். வெற்றிக்கான நெருப்பு இன்னும் எனக்குள் பிரகாசமாக இருக்கிறது. ஒரு வெற்றியாளரின் மரபை விட்டுச் செல்லும் ஆசை என்னுள் இருக்கிறது' என தெரிவித்துள்ளார்.