ரோகித் சர்மா தலைமையிலான இந்திய கிரிக்கெட் அணி இங்கிலாந்துக்கு சுற்றுப்பயணம் மேற்கொண்டு டி20 தொடரில் விளையாடியது. இதையடுத்து மூன்று போட்டிகள் கொண்ட ஒரு நாள் தொடரின் விளையாட உள்ளது. 

டி20 தொடரை இந்திய அணி 2 - 1 என்ற கணக்கில் தொடரை கைப்பற்றியது. முதல் போட்டியில் 50 ரன்கள் வித்தியாசத்திலும், இரண்டாவது போட்டியில் 49 ரன்கள் வித்தியாசத்தில் இந்திய அணி வெற்றி பெற்றது. மூன்றாவது போட்டியில் 17 வித்தியாசத்தில் இங்கிலாந்து அணி வெற்றி பெற்றது. 

இரண்டு அணிகளுக்கும் இடையிலான மூன்று போட்டிகள் கொண்ட ஒருநாள் தொடரின் முதல் போட்டி, லண்டன் ஓவல் மைதானத்தில் இன்று நடைபெறுகிறது.  இங்கிலாந்துக்கு எதிரான டி20 தொடரை வென்ற உத்வேகத்துடன் இந்திய அணி களமிறங்குகிறது. இந்திய அணியில் பேட்டிங்கில் ரோகித் சர்மா, ஷிகர் தவான், சூரியகுமார் யாதவ், ரிஷப் பண்ட், ஹார்திக் பாண்டியா உள்ளனர். பந்துவீச்சில் பும்ரா, முகமது ஷமி, முகமது சிராஜ், யுஸ்வேந்திர சாஹல் உள்ளனர். 

ஜோஸ் பட்லர் தலைமையிலான இங்கிலாந்து அணியில் சமீப காலமாக சிறப்பான ஆட்டத்தை வெளிப்படுத்தி வருகிறது. நெதர்லாந்துக்கு எதிரான ஒருநாள் போட்டியில் 498 ரன்கள் குவித்து உலக சாதனை படைத்தது. இங்கிலாந்தின் பேட்டிங் பலப்படுத்தும் விதமாக பென் ஸ்டோக்ஸ், ஜானி பேர்ஸ்டோ, ஜோ ரூட்  ஆகியோர் அணிக்கு திரும்பி உள்ளனர். இரண்டு அணியிலும் அதிரடி வீரர்கள் உள்ளதால், இன்றைய ஆட்டத்தில் ரன் மழைக்கு பஞ்சம் இருக்காது.