தஞ்சை பெரியகோயிலுக்கு தமிழில் குடமுழுக்கு செய்ய வேண்டும் என்ற கோரிக்கை நியாயமானது என பாமக நிறுவனர் டாக்டர்.ராமதாஸ் தெரிவித்துள்ளார்.

இது தொடர்பாக அவரது ட்விட்டர் பக்கத்தில் வெளியிட்டுள்ள பதிவில், தஞ்சை பெரியகோவிலுக்கு தமிழில் குடமுழுக்கு செய்வது ஆகம விதிக்கு எதிராக இல்லை என்றும், தமிழக மக்களின் உணர்வுகளை மதித்து  தமிழில் குடமுழுக்கு செய்ய அரசு முன்வர வேண்டுமென்றும் குறிப்பிட்டுள்ளார்.

1. தஞ்சாவூர் பெருவுடையார் கோயிலுக்கு தமிழில் குடமுழுக்கு செய்யப்பட வேண்டும் என்ற கோரிக்கை மிகவும் நியாயமானதே. ஆகம விதிகள் இந்தக் கோரிக்கைக்கு எதிராக இல்லை. எனவே, தமிழ்நாட்டு மக்களின் உணர்வுகளை மதித்து தஞ்சை பெரிய கோவிலுக்கு தமிழில் குடமுழுக்கு செய்ய தமிழக அரசு முன்வர வேண்டும்!

— Dr S RAMADOSS (@drramadoss) January 23, 2020

மேலும் மற்றொரு  ட்விட்டர் பதிவில், சிவபெருமான் 64 திருவிளையாடல்களை தமிழ்நாட்டில் தான் நிகழ்த்தியதாகவும், அனைத்து நிகழ்வுகளும் தமிழில் உரையாடியதாகவும் சிவனடியார்கள் கூறுகின்றனர் என்றும், அவர்களின் நம்பிக்கையை மதித்து தமிழில் குடமுழுக்கு செய்வது சரியான செயல் தானே எனவும் கேள்வி எழுப்பியுள்ளார். 

2.சிவபெருமான் தமிழ்நாட்டில் தான் 64 திருவிளையாடல்களை நிகழ்த்தியதாகவும், அனைத்து நிகழ்வுகளிலும் தமிழிலேயே உரையாடியதாகவும் சிவனடியார்கள் கூறுகின்றனர். அவர்களின் நம்பிக்கையை மதித்து தமிழில் குடமுழுக்கு செய்வது தானே சரியான செயலாக இருக்க முடியும்?

— Dr S RAMADOSS (@drramadoss) January 23, 2020