திடீரென அண்ணா அறிவாலயத்தில் கூடிய திமுக கூட்டணி கட்சிகள்.!

கடந்த பாராளுமன்ற கூட்டத்தொடரில் குடியுரிமை சட்ட திருத்த மசோதா மற்றும் தேசிய குடிமக்கள் பதிவேடு மசோதா மக்களவை மற்றும் மாநிலங்களவையில் நிறைவேற்றப்பட்டது.

இதற்கு காங்கிரஸ், திமுக உள்ளிட்ட எதிர்க்கட்சிகள் கடும் கண்டனங்களைத் தெரிவித்து, போராட்டங்களை நடத்தி வருகின்றனர். குடியுரிமை சட்டத் திருத்த மசோதாவுக்கு எதிராக முஸ்லீம் அமைப்புகள் பல்வேறு இடங்களில் போராட்டம் நடத்தினர்.

இந்நிலையில் குடியுரிமை சட்ட திருத்தம் மற்றும் தேசிய குடிமக்கள் பதிவேடு தொடர்பாக, திமுக கூட்டணி கட்சிகள் கூட்டம் நடைபெறுகிறது. திமுக தலைவர் மு க ஸ்டாலின் தலைமையில் அண்ணா அறிவாலயத்தில் சற்றுமுன் இக்கூட்டம் தொடங்கியது.

இக்கூட்டத்தில் கே.எஸ், அழகிரி, வைகோ, கோ.பாலகிருஷ்ணன், முத்தரசன், திருமாவளவன், காதர் மொய்தீன், ஜவாஹிருல்லா உள்ளிட்டோர் பங்கேற்றுள்ளனர்.