மறைந்த முன்னாள் முதல்வர் கருணாநிதியின் பிறந்தநாள் விழா பொதுக்கூட்டம் வட சென்னை நேற்று நடைபெற்றது. இந்த விழாவில் திமுகவின் தலைமை நிலை ஆபாச பேச்சாளர் சிவாஜி கிருஷ்ணமூர்த்தி கலந்து கொண்டு பேசினார். அப்பொழுது பேசிய அவர் தமிழக ஆளுநர் ஆர்.என் ரவியையும், பாஜக தேசிய செயற்குழு உறுப்பினரும் நடிகையுமான குஷ்புவையும் மிக தரக்குறைவான ஆபாச வார்த்தைகளால் பேசியிருந்தார். அவர் பேசிய வீடியோ சமூக வலைதளங்களில் வைரலானது.

இந்த நிலையில் நடிகை குஷ்பூ தனது ட்விட்டர் பக்கத்தில் அந்த வீடியோவை பதிவிட்டு "இந்த பழிவாங்கும் குற்றவாளியின் கேவலமான கருத்துக்கள் திமுகவில் நிலவும் அரசியல் கலாச்சாரத்தை காட்டுகிறது. அவரை போல் பலர் அந்த ரதத்தில் உள்ளனர். பெண்களை துஷ்பிரயோகம் செய்தல், அவர்களைப் பற்றிய மோசமான மலிவான கருத்துகளை அனுப்புதல் ஆகியவை கட்டுப்படுத்தப்படாமல், அதிக வாய்ப்புகளுடன் வெகுமதி வழங்கப்படலாம்.

முதல்வர் மு.க ஸ்டாலின் அவர்களே உங்கள் குடும்பத்தைச் சேர்ந்த பெண்களைப் பற்றிய இதுபோன்று பேசினால் ஏற்றுக் கொள்வீர்களா? உங்கள் கட்சியினர் கற்களை வீசி கலவரத்தை உருவாக்குவார்கள். அவர் என்னை மட்டுமல்ல, உங்களையும் உங்கள் தந்தையைப் போன்ற சிறந்த தலைவரையும் அவமதிக்கிறார் என்பதை நீங்கள் உணரவில்லை. அவருக்கு எவ்வளவு இடம் கொடுக்கிறீர்களோ, அந்த அளவுக்கு அரசியல் இடத்தை இழக்க நேரிடும். உங்கள் கட்சி அயோக்கியத்தனமான குண்டர்களுக்கு பாதுகாப்பான புகலிடமாக மாறி வருகிறது. இது ஒரு அவமானம்" என காட்டமாக பதிவிட்டுள்ளார்.

அதை ரீட்விட் செய்த தமிழக பாஜக தலைவர் அண்ணாமலை "மு.க ஸ்டாலின் அவர்களே தமிழகத்தில் திமுகவினரின் பொதுப் பேச்சு உங்கள் கட்சிக்காரர்கள் எவ்வளவு கீழ்நிலையில் தள்ளப்படுவார்கள்? உங்கள் பிரபலமான பிரச்சாரமும் உங்கள் செயல்களும் ஒன்றாக இல்லை. மாண்புமிகு தமிழக ஆளுநர் மற்றும் பாஜக தலைவர் திருமதி குஷ்பு சுந்தர் அவர்கள் மீது கூறப்பட்ட கருத்துகள் மிகவும் கண்டிக்கத்தக்கவை. மேலும் இந்த குற்றத்தை மீண்டும் செய்பவர் மீது உடனடியாக நடவடிக்கை எடுக்குமாறு கேட்டுக்கொள்கிறேன் என பதிவிட்டுள்ளார். ஏற்கனவே தமிழக ஆளுநர் குறித்து தகாத வார்த்தைகளால் பேசியதால் ஆபாச பேச்சாளர் சிவாஜி கிருஷ்ணமூர்த்தி திமுகவிலிருந்து தற்காலிகமாக நீக்கப்பட்ட நிலையில் சில நாட்களுக்கு முன்பு மீண்டும் திமுகவில் இணைக்கப்பட்டார் என்பது குறிப்பிடத்தக்கது.

The crass comments of this habitual offender shows the political culture prevalent in DMK. There are many like him in that rut. Abusing women, passing lewd cheap comments about them goes unchecked and is probably rewarded with more opportunities. CM @mkstalin avl, will you accept… pic.twitter.com/vVNV5Cir4C

— KhushbuSundar (@khushsundar) June 18, 2023