பரபரப்புக்கும் அரசியல்: சிதம்பரத்தில் முதல்வர் ஸ்டாலின் இன்று பிரசாரம்.!
cm Stalin election campaign Chidambaram
வருகின்ற மக்களவைத் தேர்தலை ஒட்டி தி.மு.க தலைவரும் தமிழக முதல்வருமான மு.க. ஸ்டாலின் சுற்றுப்பயணம் மேற்கொண்டு பிரசாரம் செய்து தி.மு.க மற்றும் அதன் கூட்டணி வேட்பாளர்களுக்கு ஆதரவு திரட்டி வருகிறார்.
அதன்படி நேற்று கடலூர் பாராளுமன்ற தொகுதியில் தி.மு.க கூட்டணியில் போட்டியிடும் காங்கிரஸ் வேட்பாளரை ஆதரித்து பிரசாரத்தில் ஈடுபட்டார். பிரசார பொதுக்கூட்டத்தை முடித்துவிட்டு கார் மூலம் கடலூர் வந்தடைந்தார்.
அவருக்கு மாவட்டச் செயலாளரும் அமைச்சருமான எம்.ஆர்.கே. பன்னீர்செல்வம் தலைமையில் கட்சி நிர்வாகிகள் சிறப்பான வரவேற்பு அளித்தனர். அதன்பிறகு நேற்றிரவு கடலூரில் ஓய்வு எடுத்துவிட்டு இன்று மாலை 6 மணி அளவில் சிதம்பரம் அருகே லால்புரத்தில் சிதம்பரம் பாராளுமன்ற தொகுதி விடுதலை சிறுத்தைகள் கட்சி வேட்பாளர் திருமாவளவன், மயிலாடுதுறை தொகுதி காங்கிரஸ் வேட்பாளர் ஆகியோர ஆதரித்து பிரசார பொதுக்கூட்டத்தில் கலந்து கொண்டு பேச உள்ளார்.
பிரசாரத்தை முடித்துவிட்டு அங்கிருந்து கார் மூலம் புதுச்சேரி செல்ல உள்ளார். அங்கு அவர் ஓட்டலில் தங்கி நாளை புதுச்சேரி காங்கிரஸ் வேட்பாளரை ஆதரித்து பிரசாரம் மேற்கொள்ள உள்ளார்.
English Summary
cm Stalin election campaign Chidambaram