"ஸ"வை நீக்கி அதற்கு மாற்று எழுத்தைக் கண்டுபிடியுங்கள். அதுவரை ஸ்டாலின் என்ற பெயர் எவ்வாறு அழைக்கப்பட வேண்டும்? அமைச்சருக்கு அண்ணாமலை பதில்.!
annamalai reply to dmk minister thangam thennarasu
'எத்திசையும் புகழ்மணக்க இருந்தபெரும் தமிழணங்கே' என்ற தலைப்பில் பாஜகவின் மாநில தலைவர் அண்ணாமலை தமிழ் தாய் புகைப்படம் ஒன்றை வெளியிட்டு இருந்தார்.
இதற்க்கு பதிலளித்துள்ள திமுக அமைச்சர் தங்கம் தென்னராசு, "தமிழணங்கைப் போற்றுகிறோம் என்ற போர்வையில், தமிழ் எழுத்துகளுடன் ‘ஸ’ வையும் இணைத்துப் படம் போடும் போதே உங்களின் கூப்பிய கரங்களுக்குள் மறைத்து வைத்திருக்கும் கூர்வாள் தன் உண்மை முகத்தைக் காட்டி விட்டது.
இதைத்தான் ‘தொழுத கையுள்ளும் படை ஒடுங்கும்”என வள்ளுவர் அடையாளம் காட்டிப் போனார்" என்று அமைச்சர் தெரிவித்து இருந்தார்.
அமைச்சருக்கு பதிலளித்துள்ள அண்ணாமலை, "தமிழகத்தின் தொழில்துறை அமைச்சர் நாங்கள் வெளியிட்ட தமிழன்னையின் படத்தில் உள்ள "ஸ" என்ற எழுத்தைக் கண்டெடுத்து விமர்சித்ததாக அறிகிறேன்.
"தமிழ் தமிழ்" என்று முழக்கமிடும் தமிழக முதல்வரின் பெயரில் உள்ள முதல் எழுத்தை வைத்தமைக்கு திமுகவினர் எதிர்ப்பு தெரிவிப்பது வியப்பாக உள்ளது!
"ஸ"வை நீக்கி அதற்கு மாற்று எழுத்தைக் கண்டுபிடிக்கத் தமிழக அரசு உடனடியாக ஒரு குழு அமைக்க வேண்டும்.
அதுவரை ஸ்டாலின் என்ற பெயர் எவ்வாறு அழைக்கப்பட வேண்டும் என்று தொழில்துறை அமைச்சர் மக்களுக்கு அறிவுரைக்க வேண்டும் என்று பணிவன்புடன் கேட்டுக் கொள்கிறோம்" என்று அண்ணாமலை தெரிவித்துள்ளார்.
English Summary
annamalai reply to dmk minister thangam thennarasu