இந்திய பிரதமர் மோடி, பேஸ் புக், டுவிட்டர், இன்ஸ்டாகிராம் என்று சமூக வலைத்தளங்கள் அனைத்திலும் ஆர்வம் மிக்கவர். அன்றாட நிகழ்வுகளை, தனது கருத்துக்களால் அவற்றில் அவர் அலங்கரித்து வந்து கொண்டிருக்கிறார்.

அந்த வகையில் அவரை உலக அளவில் ஏராளமானோர் பின்தொடர்ந்து வருகிறார்கள்.

அவரது இன்ஸ்டாகிராம் பொறுத்தவரையில் அவரை பின்தொடர்வோர் எண்ணிக்கை நேற்று 3 கோடியை தாண்டியுள்ளது. இதன்மூலம் அவர் அமெரிக்க ஜனாதிபதி டிரம்பையும், முன்னாள் ஜனாதிபதி ஒபாமாவையும் பின்னுக்கு தள்ளிருக்கிறார்.

அது மட்டுமில்லாமல், உலகளவில் அதிக எண்ணிக்கையிலான மக்களால் இன்ஸ்டாகிராமில் பின் தொடரப்படுகிற தலைவர்களில், முதல் இடத்தில் இருப்பவர் நமது இந்திய பிரதமர் மோடி தான்.

இது அவரது புகழுக்கும், இளையதலைமுறையினருடன் கொண்டுள்ள தொடர்புக்கும் சான்றாக இருக்கிறது என்று பாரதீய ஜனதா கட்சி செயல் தலைவர் ஜே.பி. நட்டா, டுவிட்டரில் தெரிவித்திருக்கிறார்.

இன்ஸ்டாகிராமில் இந்தோனேசிய அதிபர் ஜோகோ விடோடோவை 2 கோடியே 56 லட்சம் பேரும், ஒபாமாவை 2 கோடியே 48 லட்சம் பேரும், டிரம்பை 1 கோடியே 49 லட்சம் பேரும் பின் தொடர்கிறார்கள் என்று தெரிவித்திருக்கிறது.

ஒரு மாதத்துக்கு முன்னர்தான் டுவிட்டரில் பிரதமர் மோடியை பின்தொடர்வோர் எண்ணிக்கை 5 கோடியை கடந்திருப்பது குறிப்பிடத்தக்கது.