தேசிய சட்ட சேவைகள் ஆணையத்தின் செயல் தலைவர் பதவிக்கு: நீதிபதி சந்திரசூட் நியமனம்!

தேசிய சட்ட ஆணையத்தின் செயல் தலைவராக உச்ச நீதிமன்ற நீதிபதி டி.ஒய்.சந்திரசூட் நியமிக்கப்பட்டுள்ளார்.

குடியரசுத் தலைவர் திரௌபதி முர்மு, தேசிய சட்ட சேவைகள் ஆணையத்தின் அடுத்த தலைவராக நீதிபதி சந்திரசூட்டின் பெயரை பரிந்துரைத்துள்ளார்.

இது தொடர்பான அறிவிப்பு மத்திய சட்டம் மற்றும் நீதித்துறையின் அதிகாரபூர்வ அரசிதழில் வெளியிடப்பட்டுள்ளது.

இதற்கு முன்னதாக, தற்போதைய தலைமை நீதிபதி யு.யு.லலித் தேசிய சட்ட சேவைகள் ஆணையத்தின் செயல் தலைவராக இருந்தார்.

உச்சநீதிமன்றத்தின் தலைமை நீதிபதியாக இருந்த என்.வி.ரமணா ஓய்வுபெற்றதை அடுத்து, அடுத்த தலைமை நீதிபதியாக யு.யு.லலித் சமீபத்தில் பொறுப்பேற்றார்.

இதனை தொடர்ந்து, தற்போது தேசிய சட்ட சேவைகள் ஆணையத்தின் செயல் தலைவராக உச்சநீதிமன்றத்தின் இரண்டாவது மூத்த நீதிபதி சந்திரசூட், நியமிக்கப்படுகிறார்.

Justice Chandrachud appointed Acting Chairman of National Legal Services Commission