நீண்ட ஆயுள் வாழ வேண்டும் என்றும் பிரார்த்திக்கிறேன்!-கார்கே உடல்நிலை குறித்து விசாரித்த மோடி
I pray for a long life Modi inquires about Kharges health
காங்கிரஸ் தேசிய தலைவர் 'மல்லிகார்ஜுன கார்கே' உடல்நலக் குறைவு காரணமாக, 2 நாட்களுக்கு முன் பெங்களூரில் உள்ள தனியார் மருத்துவமனையில் அனுமதிக்கப்பட்டார்.
இந்த பரிசோதனையில், அவரது இதயத்தில் சிறிய பிரச்னை இருப்பது கண்டறியப்பட்டதால், மருத்துவர்கள் பேஸ்மேக்கர் கருவி பொருத்த பரிந்துரைத்தனர்.
இதனைத் தொடர்ந்து கார்கேக்கு வெற்றிகரமாக பேஸ்மேக்கர் பொருத்தப்பட்டு, தற்போது அவர் சிகிச்சை பெற்று வருகிறார்.அவரை சந்தித்து கர்நாடக முதலமைச்சர் 'சித்தராமையா' நேரில் நலம் விசாரித்தார்.
இதனிடையே, பிரதமர் நரேந்திர மோடியும் தொலைபேசியில் கார்கேவை தொடர்புகொண்டு உடல்நிலை பற்றி கேட்டு அறிந்தார்.அதன் பிறகு, தனது எக்ஸ் தளத்தில் பதிவு செய்த பிரதமர் குறிப்பிட்டதாவது,"கார்கேவிடம் பேசினேன். உடல்நிலை குறித்து விசாரித்தேன்.
அவர் விரைவில் பூரண குணமடைய வேண்டும் என்றும், தொடர்ந்து நல்ல ஆரோக்கியத்துடன் நீண்ட ஆயுள் வாழ வேண்டும் என்றும் பிரார்த்திக்கிறேன்" என்று தெரிவித்துள்ளார்.
English Summary
I pray for a long life Modi inquires about Kharges health