டைம் டிராவல் கதையில் விஷால்.. மார்க் ஆண்டனி படத்தின் மிரட்டலான டீஸர் வெளியீடு.!
Vishal in Mark Antony movie teaser released
தமிழ் சினிமாவில் முன்னணி நடிகராக வலம் வருபவர் விஷால். இவரது நடிப்பில் துப்பறிவாளன் 2, மார்க் ஆண்டனி உட்பட பல்வேறு திரைப்படங்கள் உருவாகி வருகின்றன.
இதில், மார்க் ஆண்டனி திரைப்படத்தின் படப்பிடிப்புகள் முடிவடைந்துள்ள நிலையில், போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது.
இந்த படத்தை திரிஷா இல்லனா நயன்தாரா, அன்பானவன் அசராதவன் அடங்காதவன் போன்ற படங்களை இயக்கிய ஆதிக் ரவிச்சந்திரன் இயக்கியுள்ளார். ரித்து வர்மா, எஸ்.ஜே.சூர்யா மற்றும் செல்வராகவன் ஆகியோர் முக்கிய கதாப்பாத்திரத்தில் நடித்துள்ளனர். இந்த படத்திற்கு ஜி.வி பிரகாஷ்குமார் இசையமைக்கிறார்.
இந்த நிலையில் மார்க் ஆண்டனி' படத்தின் டீசரை நேற்று மாலை 6.30 மணிக்கு படக்குழு வெளியிட்டது. டைம் டிராவலை மையமாக வைத்து உருவாகியுள்ள இந்த டீசரில் விஷால் இரட்டை வேடத்தில் நடித்துள்ளார்.
English Summary
Vishal in Mark Antony movie teaser released