மனிதக் கலைமகன், நடிப்புக் கலைஞர் சிவாஜி கணேசன் - கமல்ஹாசன்!
KamalHaasan Wish Sivaju Ganesan birthday
நடிகர் திலகம் என்றழைக்கப்படும் நடிப்பின் அசுரன் சிவாஜி கணேசனின் 96ஆவது பிறந்த நாள் இன்று தமிழகம் முழுவதும் அவரின் ரசிகர்களால் கொண்டாடப்பட்டு வருகிறது.
இந்நிலையில், நடிகர் திலகம் சிவாஜி கணேசன் பிறந்த நாளை முன்னிட்டு, நடிகரும், மக்கள் நீதி மய்யம் தலைவருமான கமல்ஹாசன் புகழஞ்சலி செலுத்தியுள்ளார்.
இதுகுறித்து அவரின் சமூகவலைத்தள பதிவில், "பல நூறு மனிதர்களைத் தனக்குள்ளிருந்து எடுத்து உலகத்துக்குத் தந்த ஒற்றை மனிதக் கலைமகன். நடிப்பாக அல்ல, வாழ்க்கையாகக் கலையை முன்வைத்தவர்.
உலகின் சிறந்த நடிகர்களுக்கு, தமிழ்நாட்டின் பதில் என்று சொல்லத் தக்கவர், மாபெரும் நடிப்புக் கலைஞர் சிவாஜி கணேசனின் பிறந்தநாள் இன்று. வாழ்த்துவது நமக்குப் பெருமை" என்று நடிகர் கமல்ஹாசன் தெரிவித்துள்ளார்.
English Summary
KamalHaasan Wish Sivaju Ganesan birthday