துணிவு பட பணிகளில் இரவு, பகலாக எச்.வினோத் காட்டும் தீவிரம்.. வெளியான தகவல்.!
h vinoth concentrate dubbing in work
நடிகர் அஜித்குமார் தற்போது இயக்குனர் எச் வினோத் இயக்கத்தில் துணிவு என்ற திரைப்படத்தில் நடித்து வருகிறார். இந்த திரைப்படத்தை தயாரிப்பாளர் போனி கபூர் தயாரிக்கிறார்.
இந்த திரைப்படத்திற்கான படப்பிடிப்புகள் கிட்டத்தட்ட முடிவடைந்துள்ளது. இந்த படத்தில் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் ஆகியோர் முக்கிய கதாப்பாத்திரங்களில் நடித்துள்ளனர்.
இந்த நிலையில், இறுதி கட்ட காட்சிகள் மட்டும் மீதமுள்ளதாக கூறப்படுகிறது. சமீபத்தில், இந்த படத்தின் தலைப்பு குறித்த அப்டேட் வெளியாகியது. அதன்படி இந்த படத்திற்கு "துணிவு" என்று பெயரிடப்பட்டுள்ளது.
மேலும், இப்படத்தின் போஸ்டர்கள் வெளியாகி ரசிகர்களிடையே நல்ல வரவேற்பை பெற்றுள்ளது. இந்த படம் வரும் பொங்கலை முன்னிட்டு ஜனவரி மாதத்தில் ரிலீசாக இருக்கின்றது. நடிகர் விஜயின் வாரிசு படமும் பொங்கலில் ரிலீசாக இருப்பதால் கடுமையான போட்டி நிலவும் என்று எதிர்பார்க்கப்படுகிறது.
இந்த நிலையில் துணிவு திரைப்படத்தின் கதாபாத்திரங்களுக்கான டப்பிங் பணிகளில் இயக்குனர் எச்.வினோத் தீவிரமாக ஈடுபட்டு வருவதாக சமூக வலைதளங்களில் தகவல் வெளியாகி உள்ளது.
English Summary
h vinoth concentrate dubbing in work