இன்றைய உணவு பழக்கங்களில் அவசியமானதாக கருதப்படும் தக்காளி, சுவையுடன் ஆரோக்கியத்தையும் தரும் உணவுப் பொருள் என்பதைக் கேள்விப்பட்டிருப்பீர்கள். ஆனால், அதன் மருத்துவ மற்றும் ஊட்டச்சத்து நன்மைகள் குறித்து பலருக்கும் ஆழமாகத் தெரியவில்லை. வெறும் கறிக்கே அல்லாமல், பல்வேறு உடல் நலச் சிக்கல்களுக்கு தீர்வாகவும் தக்காளி பயன்படுகிறது என்பது உண்மையாகும்.

ஊட்டச்சத்து நிறைந்தது

தக்காளி, குறைந்த கார்போஹைட்ரேட் உள்ள பழம் என்பதோடு, வைட்டமின் சி, ஏ, கே மற்றும் பொட்டாசியம் போன்ற முக்கிய ஊட்டச்சத்துக்களால் நிரம்பியுள்ளது. ஒரு தக்காளி, ஒருவர் தினசரி தேவைப்படும் வைட்டமின் சி-யில் 40 சதவிகிதத்தை வழங்கும் சக்தி கொண்டது. வைட்டமின் ஏ உடலின் நோய் எதிர்ப்பு சக்தி, பார்வை மற்றும் தோல் ஆரோக்கியத்திற்கு மிக அவசியமானது.

தக்காளியின் முக்கிய இயற்கை அம்சம் – லைகோபீன்

தக்காளியில் லைகோபீன் எனப்படும் ஒரு சக்திவாய்ந்த ஆக்ஸிஜனேற்றி உள்ளது. இது இதய நோய்கள், நீரிழிவு, பக்கவாதம் போன்ற பரிதாப நிலைகளிலிருந்து பாதுகாக்கும் திறன் கொண்டது. மேலும், இது இரத்த நாளங்களை ஆரோக்கியமாக வைத்திருக்கவும் உதவுகிறது. கண்களின் பாதுகாப்புக்கு, லுடீன் மற்றும் பீட்டா கரோட்டின் போன்ற பொருட்கள் கண்புரை மற்றும் மாகுலர் சிதைவைத் தடுக்கும் என ஆராய்ச்சிகள் தெரிவிக்கின்றன.

செரிமானத்திற்கு நன்மை

தக்காளி, லிப்பிட் பெராக்சிடேஷன் எனப்படும் கொழுப்பு அழுகையைத் தடுக்கிறது. இது இதய நோய்களுக்கு வழிவகுக்கும் 'ஃப்ரீ ரேடிக்கல்ஸ்' தாக்கத்தை குறைக்கிறது. அதாவது, தக்காளி சாப்பிடுவது உங்கள் இதயத்தையும் வயிற்றையும் பாதுகாக்கும் ஒரு இயற்கை மருந்தாக செயல்படுகிறது.

தக்காளி UV கதிர்வீச்சைத் தடுக்குமா?

ஆம், 2017 ஆம் ஆண்டு வெளியான ஒரு ஆய்வு படி, தக்காளி சாப்பிட்ட பிறகு உடலில் உறைந்திருக்கும் கரோட்டினாய்டுகள், புற ஊதா (UV) கதிர்வீச்சால் ஏற்படும் தோல் சிக்கல்களைத் தடுக்கும் என தெரியவந்துள்ளது. இது தக்காளியை ஒரு தேவையான தோல் பாதுகாப்பு உணவாக மாற்றுகிறது.

இரத்த அழுத்தத்தைக் குறைக்கும் திறன்

2019 ஆம் ஆண்டு ஜப்பானில் நடத்தப்பட்ட ஒரு முக்கிய ஆய்வில், உப்பு சேர்க்காத தக்காளிச் சாறு குடிக்கும் பழக்கம், உயர் இரத்த அழுத்தம் உள்ளவர்களுக்கு மிகுந்த நன்மை தரும் என உறுதி செய்யப்பட்டது. ஆய்வில், சிஸ்டாலிக் அழுத்தம் 141.2 இலிருந்து 137 மிமீ எச்ஜி ஆகவும், டயஸ்டாலிக் அழுத்தம் 83.3 இலிருந்து 80.9 மிமீ எச்ஜி ஆகவும் குறைந்தது. மேலும், கெட்ட கொழுப்பு அளவும் குறைந்தது என்பதும் குறிப்பிடத்தக்கது.

முடிவில் கூற வேண்டியது என்னவென்றால்...

தக்காளி என்பது சமைப்பதற்கான ஒரு சாதாரண பொருள் மட்டுமல்ல. அது உங்கள் இதயம், கண்கள், தோல், இரத்த அழுத்தம், செரிமானம் என அனைத்திற்கும் நன்மை தரும் அற்புதமான இயற்கை உணவாக திகழ்கிறது. தினமும் உணவில் ஒரு தக்காளியைச் சேர்ப்பதன் மூலம், நீங்களும் உங்கள் ஆரோக்கியத்தைக் கட்டுக்கோப்பில் வைத்திருக்கலாம்.