டெல்லியில் உள்ள விக்யான் பவனில் மத்திய நிதியமைச்சர் நிர்மலா சீதாராமன் தலைமையில் 50வது ஜிஎஸ்டி கவுன்சில் கூட்டம் இன்று காலை 11 மணிக்கு தொடங்கியது. இந்த கூட்டத்தில் அனைத்து மாநில நிதி அமைச்சர்கள் மற்றும் நீதி துறை செயலாளர்கள் கலந்து கொண்டனர்.

தமிழ்நாடு நிதி அமைச்சராக பொறுப்பேற்று பிறகு தங்கம் தென்னரசு மற்றும் நிதித்துறை செயலாளர் முருகானந்தம் ஆகியோர் இந்த ஜிஎஸ்டி கூட்டத்தில் கலந்து கொண்டனர். இன்று டெல்லியில் நடைபெற்ற ஜிஎஸ்டி கூட்டத்தில் புற்றுநோய் மருந்துகளுக்கு ஜிஎஸ்டி வரி விலக்கு அளிக்கப்படுவது பற்றி முக்கிய ஆலோசனை நடத்தப்பட்டது. மேலும் மேல்முறையீட்டு தீர்ப்பாயம் அமைப்பது பற்றியும் ஆலோசிக்கப்பட்டது.

இன்று நடைபெற்ற ஜிஎஸ்டி கவுன்சில் அடிப்படையில்,

1) மல்டி பிளக்ஸ் திரையரங்குகளில் விற்பனை செய்யப்படும் உணவுகளுக்கு விதிக்கப்படும் ஜிஎஸ்டி வரி 18% லிருந்து 5% ஆக குறைக்கப்பட்டுள்ளது.

2) சமைக்கப்படாத/வறுக்கப்படாத ஏற்றுமதி செய்யப்படும் சிற்றுண்டி தட்டுகளுக்கான ஜிஎஸ்டி வரி 18% இலிருந்து 5% ஆகக் குறைக்கப்பட்டுள்ளது. 

3) மீன் கரையக்கூடிய பேஸ்டுக்கான ஜிஎஸ்டி வரி 18% லிருந்து 5% ஆகக் குறைந்துள்ளது

4) இமிடேஷன் ஜரிகை நூல்களுக்கான ஜிஎஸ்டி வரி  12% லிருந்து 5% ஆகக் குறைக்கப்பட்டுள்ளது.

5) தனியார் நிறுவனங்கள் வழங்கும் செயற்கைக்கோள் ஏவுதள சேவைகளுக்கு ஜிஎஸ்டியில் விலக்கு அளிக்கப்பட்டுள்ளது.

6) ஆன்லைன் கேமிங், குதிரைப் பந்தயம் மற்றும் கேசினோக்களுக்கு 28% வரி விதிக்கப்படும் (மூன்று நடவடிக்கைகளும்) மற்றும் அவை முழு முக மதிப்பிலும் வரி விதிக்கப்படும்.

7) புற்றுநோய் தொடர்பான மருந்துகள், அரிய நோய்களுக்கான மருந்துகள் மற்றும் சிறப்பு மருத்துவ நோக்கங்களுக்கான உணவுப் பொருட்களுக்கு ஜிஎஸ்டி வரியிலிருந்து விலக்கு அளித்துள்ளது.

8) பயன்பாட்டு வாகனங்களுக்கான விளக்கத்தை வகுத்து எஸ்.யு.வி வாகனங்களை போல எம்.யு.வி வாகனங்களுக்கும் 22% செஸ் வரி விதிக்கப்பட்டுள்ளது.