இன்றும், நாளையும் "வெயில் சுட்டெரிக்கும்" - வானிலை மையம் எச்சரிக்கை

தமிழகத்தில் 2 நாட்களுக்கு வெப்பநிலை அதிகரிக்கும் என்று சென்னை வானிலை ஆய்வு மையம் தெரிவித்துள்ளது.

தமிழகத்தில் வெயில் சுட்டெரித்து வரும் நிலையில், நேற்று 14 இடங்களில் 100 டிகிரியை தாண்டி வெப்பம் பதிவானது. இதில் அதிகபட்சமாக வேலூர் 107.24 டிகிரி செல்சியஸ் வெப்பம் பதிவாகியது. இந்நிலையில், இன்றும், நாளையும் தமிழக பகுதிகளில் ஓரிரு இடங்களில் அதிகபட்ச வெப்பநிலை இயல்பிலிருந்து 2-3 டிகிரி செல்சியஸ் அதிகமாக இருக்கக்கூடும் என்று சென்னை வானிலை ஆய்வு மையம் தெரிவித்துள்ளது.

மேலும் சென்னை மற்றும் புறநகர் பகுதிகள் பொறுத்தவரை அடுந்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38-39 டிகிரி செல்சியஸ் மற்றும் குறைந்தபட்ச வெப்பநிலை 28-29 டிகிரி செல்சியஸை ஒட்டியே இருக்கும் என்று சென்னை வானிலை ஆய்வு மையம் தெரிவித்துள்ளது.