விஜய் அரசியலுக்கு வந்தது மிகுந்த மகிழ்ச்சி - காங்கிரஸ் தலைவர் கே.எஸ் அழகிரி வாழ்த்து.!
tn congress leader ks azhagiri wishes to actor vijay
தமிழ் சினிமாவின் முன்னணி நடிகரான விஜய் 'தமிழக வெற்றி கழகம்' என்ற கட்சியை தொடங்கியுள்ளார். இதனை முன்னிட்டு, விஜய்க்கு பல்வேறு அரசியல் கட்சி தலைவர்களும் தங்களது வாழ்த்துக்களைத் தெரிவித்து வருகின்றனர்.
அந்த வகையில், அரசியல் கட்சி தொடங்கியுள்ள விஜய்க்கு, தமிழ்நாடு காங்கிரஸ் கமிட்டி தலைவர் கே.எஸ்.அழகிரி வாழ்த்து தெரிவித்துள்ளார். இது தொடர்பாக அவர் தெரிவித்துள்ளதாவது:-
மக்களை பிளவுபடுத்தும் அரசியலுக்கு எதிராகவும் மக்களின் வளர்ச்சிக்கு தடையாக இருக்கும் சக்திகளுக்கு எதிராகவும் விஜய் கருத்து கூறியிருப்பது மிகுந்த மகிழ்ச்சி. "பிறப்பொக்கும் எல்லா உயிர்க்கும்" என்று அவர் வலியுறுத்தியிருப்பது, இன்றைய அரசியல் சூழலில் மிகவும் முக்கியத்துவம் வாய்ந்தது" என்று அவர் குறிப்பிட்டுள்ளார்.
English Summary
tn congress leader ks azhagiri wishes to actor vijay