'ரஜினி ஒரு சிறந்த தலைவர்' - வருந்தும் லதா ரஜினிகாந்த்!
Latha rajinikanth speech goes viral
தமிழ் திரை உலகில் முன்னணி நடிகராக வலம் வருபவர் ரஜினிகாந்த். இவர் கடந்த 1990 ஆம் ஆண்டு முதல் அரசியலுக்கு வர வேண்டும் என சொல்லப்பட்டு வந்த நிலையில் அதற்கு ஏற்ப திரைப்படங்கள் மற்றும் சினிமா நிகழ்ச்சிகளில் அரசியல் சார்ந்து பேசி வந்தார்.
இதனால் ரஜினிகாந்த் அரசியலுக்கு வருவார் என எதிர்பார்க்கப்பட்டது. கடந்த 2017 ஆம் ஆண்டு ஆன்மீக அரசியல் செய்வேன் என பேசிய ரஜினிகாந்த் கடந்த 2021 ஆம் ஆண்டு அரசியலில் ஈடுபடும் திட்டம் இல்லை என தெரிவித்து ரஜினி மக்கள் மன்ற அமைப்பை கலைத்தார்.
இந்நிலையில் ரஜினியின் மனைவி லதா ரஜினிகாந்த், ரஜினி அரசியலுக்கு வராதது ஏன் என்பது குறித்து பேசி உள்ளார். அவர் தெரிவித்திருப்பதாவது,
''அவர் அரசியலுக்கு வராதது வருத்தம் தான். அவரை நான் ஒரு தலைவராக பார்த்தேன். ரஜினி சிறந்த தலைவர். அதனால் அது வருத்தமே.
இருப்பினும் அதற்கான காரணமும் ஏற்றுக் கொள்ளக்கூடிய வகையில் இருந்தது. அதற்கு நாம் மதிப்பு கொடுக்க வேண்டும்'' என தெரிவித்துள்ளார்.
English Summary
Latha rajinikanth speech goes viral