2019-புத்தாண்டை உலகில் முதன்முதலாக கொண்டாடிய மக்கள்!
First New Year Celebrates in New Zealand
பூமிப் பந்தின் கிழக்கு திசையின் கடைக்கோடியில் பகுதிகளான ஆஸ்திரலேசியா, ஓசியானியா கண்டத்தில் பசிபிக் பெருங்கடல் பகுதியில் அமைந்துள்ள நியூசிலாந்து நாடு உலகில் முதன்முதலாக சூரியன் உதிக்கும் முதல் நாடாக இருக்கிறது. இந்தியாவுக்கும் நியூசிலாந்துக்கும் இடையில் உள்ள நேர வித்தியாசம் நம்மைவிட ஏழரை மணிநேரம் கூடுதலாகும்.
அதாவது இந்திய நேரப்படி இன்று மாலை 4.30 மணியளவில், நியூசிலாந்தில் நள்ளிரவு 12 மணி ஆனவுடன் அந்நாட்டு மக்கள் ஆட்டம், பாட்டம், வானவேடிக்கை மற்றும் வண்ண பொடிகளை தூவுதல் என கோலாகலமாக புத்தாண்டை வரவேற்று மகிழ்ந்தனர். கண்ணை கவரும் வகையில் நடைபெற்ற வானவேடிக்கை நிகழ்ச்சிகள் காண்போரை உற்சாகப்படுத்தியது.
நியூசிலாந்துக்கு அடுத்தபடியாக சூரியன் உதிப்பது, ஜப்பான் நாடு. இந்த நாட்டு மக்கள் உலகிலேயே இரண்டாவதாக புத்தாண்டை கொண்டாடி மகிழ்வார்கள். அதன் பின்னர் சுமார் மூன்றரை மணி நேரத்துக்கு பிறகு நமது நாட்டில் இன்று நள்ளிரவு 12 மணிக்கு புத்தாண்டு பிறக்க உள்ளது.
English Summary
First New Year Celebrates in New Zealand