'டிட்வா' புயல்: இலங்கையில் வெள்ளம், நிலச்சரிவுக்கு 85 பேர் பலி – 21 பேரைத் தேடும் பணி தீவிரம்!
cyclone Ditwah Srilanka rain flood death report
வங்கக் கடலில் உருவான 'டிட்வா' புயல் காரணமாக இலங்கையில் கடந்த 10 நாள்களுக்கும் மேலாகக் கொட்டித் தீர்த்த கனமழையால், ஆறுகளில் வெள்ளம் கரைபுரண்டு ஓடியது. இதனால் பல நகரங்கள் வெள்ளக்காடாக மாறின. வெள்ளப்பெருக்கு மற்றும் அதையடுத்து ஏற்பட்ட நிலச்சரிவுகளால் இலங்கையில் கடும் பாதிப்பு ஏற்பட்டுள்ளது.
உயிரிழப்பும் மீட்பு நடவடிக்கைகளும்
வெள்ளப்பெருக்கு மற்றும் நிலச்சரிவில் சிக்கி இதுவரை உயிரிழந்தவர்களின் எண்ணிக்கை 85 ஆக உயர்ந்துள்ளது. பலர் உயிருடன் மண்ணில் புதையுண்டதால், மீட்புப் படையினர் தேடுதல் பணியில் ஈடுபட்டு வருகின்றனர்.
காணாமல் போனவர்கள்: இதுவரை 21 பேர் காணாமல் போயுள்ள நிலையில், அவர்களைத் தேடும் பணி தொடர்ந்து நடைபெற்று வருகிறது.
பாதிப்பு: 600-க்கும் மேற்பட்ட வீடுகள் சேதமடைந்துள்ளன. சுமார் 44 ஆயிரத்திற்கும் மேற்பட்ட மக்கள் இந்தப் பேரிடரால் பாதிக்கப்பட்டுள்ளனர்.
ராணுவ வீரர்கள் களமிறக்கம்
வெள்ளம் பாதித்த பகுதிகளுக்கு அவசரமாகச் சென்று மீட்பு மற்றும் நிவாரணப் பணிகளை மேற்கொள்ள, 20,500 ராணுவ வீரர்கள் களமிறக்கப்பட்டுள்ளனர். இந்தச் சவாலான மீட்புப் பணிகளை விரைவுபடுத்தும் முயற்சிகள் மேற்கொள்ளப்பட்டு வருகின்றன.
English Summary
cyclone Ditwah Srilanka rain flood death report