விமானம் தரையிறங்கும் போது மோதிய பறவை; போகாரா விமான நிலையத்தில் பரபரப்பு..!

நேபாள தலைநகர் காத்மாண்டுவிலிருந்து 200 கிலோமீட்டர் தொலைவில் உள்ள போகாரா சர்வதேச விமான நிலையத்திற்கு புத்தா விமான நிறுவனத்துக்கு சொந்தமான விமானம் புறப்பட்டு சென்றது. குறித்த விமானம், விமான நிலையத்தில் தரையிறங்கும் போது பறவை ஒன்று அதன்மீது மோதியுள்ளது. இதனால் போகாரா சர்வதேச விமான நிலையத்தில் பரபரப்பு ஏற்பட்டது.

உடனடியாக விமானி விமானத்தை பத்திரமாக தரையிறக்கிய நிலையில், விமானத்தில் இருந்த பயணிகள் அனைவரும் பாதுகாப்பாக இறக்கிவிடப்பட்டதாக அதிகாரிகள் தெரிவித்துள்ளனர். இந்த பறவை மோதல் சம்பவத்திற்குப் பின்னர், விமானத்தில் தொழில்நுட்பக் குழு சோதனை மேற்கொண்டுள்ளது.

விமானத்தின் இன்ஜின் பகுதியில், பறவை மோதியதால் லேசாக சேதமடைந்துள்ளதாகவும், குறித்த விமானம் பழுது பார்க்கும் பகுதியில் நிறுத்தப்பட்டுள்ளதாகும், விமானத்தில் ஏற்பட்ட சேதத்தை சரி செய்யும் பணியில் தொழில் நுட்ப நிபுணர்கள் ஈடுபட்டுள்ளதாக நேபாள செய்திகள் தெரிவிக்கின்றன.