தமிழகத்தின் பல மாவட்டங்களுக்கும் மழைக்கு வாய்ப்பு..!!
may 8 5 districts rain in tamilnadu
உள் கர்நாடகா முதல் கேரளா வரை நிலவும் வளிமண்டல மேலடுக்கு சுழற்சி மற்றும் வெப்பச்சலனம் காரணமாக, தமிழகத்தில் உள்ள ஒரு சில மாவட்டங்களை தவிர்த்து, ஏனைய மாவட்டங்கள் மற்றும் காரைக்கால், புதுச்சேரி பகுதிகளில் லேசான முதல் மிதமான மழை பெய்யலாம் என்றும், நீலகிரி, தேனி, கன்னியாகுமரி, திருநெல்வேலி மற்றும் தென்காசி மாவட்டங்களில் ஒரு சில இடங்களில் லேசான மழை முதல் மிதமான மழை பெய்யும்.
9.5.2021 : மேற்கு தொடர்ச்சி மலையை ஒட்டியுள்ள மாவட்டங்கள், தென் தமிழக மாவட்டங்கள், டெல்டா மாவட்டங்கள் மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசான மழை முதல் மிதமான மழை பெய்யலாம் என்றும், ஏனைய மாவட்டங்கள் மற்றும் புதுச்சேரியில் வறண்ட வானிலை நிலவும்.
10.5.2021 மற்றும் 11.5.2021 : மேற்கு தொடர்ச்சி மலையை ஒட்டியுள்ள மாவட்டங்கள், ஈரோடு, தர்மபுரி, கிருஷ்ணகிரி மாவட்டங்களில் ஒரு சில இடங்களில் இடியுடன் கூடிய கனமழை முதல் மிதமான மழை பெய்யலாம் என்றும், ஏனைய மாவட்டங்கள் மற்றும் புதுச்சேரி, காரைக்கால் பகுதிகளில் வறண்ட வானிலை நிலவும்.
கடலோர மாவட்டங்களில் காற்றின் ஈரப்பதம் 50 விழுக்காடு முதல் 90 விழுக்காடு வரை இருப்பதால், காற்றில் இயல்பான வெப்பநிலை 4 டிகிரி செல்சியஸ் முதல் 5 டிகிரி செல்சியஸ் வரை உயரக்கூடும் என்றும் தெரிவிக்கப்பட்டுள்ளது. வெப்பநிலை முன்னறிவிப்பாக வரும் 11 ஆம் தேதி முதல் 13 ஆம் தேதி வரை மேற்கு வடமேற்கு திசையிலிருந்து தரைக் காற்று வீச வாய்ப்பு இருக்கிறது என்பதால், தமிழக கடலோர மற்றும் அதனை ஒட்டியுள்ள உள் மாவட்டங்களில் தற்போது நிலவும் அதிகபட்ச வெப்பநிலை 2 டிகிரி செல்சியஸ் முதல் 3 டிகிரி செல்சியஸ் வரை உயரக்கூடும் என்றும் தெரிவிக்கப்பட்டுள்ளது.
சென்னையை பொருத்தவரையில் அடுத்த 24 மணி நேரத்திற்கு வானம் மேகமூட்டத்துடன் காணப்படும், நகரின் சில பகுதிகளில் லேசான மழை பெய்யக்கூடும், அதிகபட்சமாக 36 டிகிரி செல்சியசும் - குறைந்தபட்ச வெப்பநிலையாக 28 டிகிரி செல்சியசும் பதிவாகலாம் என சென்னை வானிலை ஆய்வு மையம் தெரிவித்துள்ளது.
English Summary
may 8 5 districts rain in tamilnadu