இஸ்லாமிய சகோதர, சகோதரிகள் அனைவருக்கும் பக்ரீத் வாழ்த்துக்கள் - டிடிவி தினகரன்.! - Seithipunal
Seithipunal


தியாகத் திருநாளாம் பக்ரீத் பண்டிகையைக் கொண்டாடும் இஸ்லாமிய சகோதர, சகோதரிகள் அனைவருக்கும் இதயம் கனிந்த வாழ்த்துகளைத் தெரிவித்துக்கொள்கிறேன் என டிடிவி தினகரன் தெரிவித்துள்ளார். 

அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரன் வெளியிட்டுள்ள அறிக்கையில், " உலகில் பிற எல்லாவற்றையும்விட தியாகத்திற்கு எப்போதும் தனி மதிப்பு இருக்கும் என்பதை நிரூபிக்கும் விதமாக ஒவ்வோர் ஆண்டும் பக்ரீத் கொண்டாடப்படுகிறது. எவ்வளவு இழப்புகள் வந்தாலும் மாற்றுக்குறையாத அன்போடும், மாறாத உறுதியோடும் தியாகங்களைச் செய்பவர்களுக்கு முழுமையான இறையருள் கிடைக்கும் என்பதற்கு பக்ரீத் திருநாள் சாட்சியாக இருக்கிறது.

ஏனெனில் தனக்கென வாழாத தியாகத்தின் சிறப்பும் வலிமையும் அத்தனை உயர்வானது. எவ்வளவு அநீதிகள்,நெருக்கடிகள், அவதூறுகள் வாரி இறைக்கப்பட்டாலும் அதையெல்லாம் மீறி தியாகத்தின் பெருமை மேலெழுந்து வரும். அதனை யாராலும் மறைத்திடவோ, மாற்றிடவோ முடியாது.

அந்த வகையில், இறை தூதர் இப்ராகிம் அவர்களின் தியாகத்தைப் போற்றும் இப்புனித நாளில் நமக்காக தியாகங்களைப் புரிந்தவர்களை நன்றியோடு நினைத்து பார்ப்போம். மனித சமுதாயத்தின் மலர்ச்சிக்கும், சக மனிதர்களின் நல்வாழ்வுக்கும் அவரவர் அளவில் இயன்ற தியாகத்தையும், தர்மத்தையும் செய்து, சாதி, மத வேற்றுமைகளை மறந்து அனைவரும் ஒற்றுமையோடும் மகிழ்ச்சியோடும் வாழ்ந்திடுவோம் " என்று தெரிவிக்கப்பட்டுள்ளது.


இதுபோன்ற செய்திகளை உடனுக்குடன்TELEGRAM இல் பெறுவதற்கு இந்த லிங்கை கிளிக் செய்யவும்... https://t.me/seithipunal


English Summary

TTV Dhinakaran Bakri Eid 2021 Wish


கருத்துக் கணிப்பு

உதயநிதியின் 'செங்கல்' பிரச்சாரம் மக்களவை தேர்தலிலும் எடுபடுமா?



Advertisement

கருத்துக் கணிப்பு

உதயநிதியின் 'செங்கல்' பிரச்சாரம் மக்களவை தேர்தலிலும் எடுபடுமா?




Seithipunal
--> -->