தமிழகத்தில் கொரோனா வைரஸ் பரவல் தொடர்ந்து அதிகரித்து வரும் நிலையில், இன்று ஒரேநாளில் 26,465 பேர் பாதிக்கப்பட்டனர். மேலும், பலி எண்ணிக்கையும் 200 ஐ நெருங்கியுள்ளது. தமிழகத்தின் மொத்த கொரோனா பரவல் எண்ணிக்கை 13,23,965 ஆக உயர்ந்துள்ளது.

தமிழக முதல்வர் மு.க ஸ்டாலின் பிரதமர் மோடிக்கு அவசர கடிதம் ஒன்றை எழுதியுள்ளார். இது தொடர்பான கடிதத்தில், " தமிழகத்தில் கொரோனா வைரஸ் பரவல் கடுமையாக அதிகரித்துள்ளது. நோயாளிகளின் எண்ணிக்கை அடுத்தடுத்து அதிகரித்து வருகிறது. 

இதனால் தமிழகத்திற்கான ஆக்சிஜன் தேவையும் அதிகரித்துள்ளது. தொடர்ந்து ஆக்சிஜன் தேவைப்படுவதால், மத்திய அரசு தமிழகத்திற்கு 40 மெட்ரிக் டன் ஆக்சிஜனை வரும் 4 நாட்களுக்கு வழங்க வேண்டும்.

மேலும், தமிழகத்தில் மருத்துவ ஆக்சிஜன் தேவையும் அதிகரித்துள்ளது. மருத்துவ ஆக்சிஜன் வழங்கும் நடவடிக்கையையும் பிரதமர் மோடி துரிதப்படுத்த வேண்டும் " என்று பிரதமர் மோடிக்கு எழுதியுள்ள கடிதத்தில் தமிழக முதலமைச்சர் மு.க ஸ்டாலின் வலியுறுத்தியுள்ளார்.

Tamil online news Today News in Tamil

பொது எச்சரிக்கை: தமிழகத்தில் கொரோனா வைரஸ் பரவல் அதிகரித்து வருவதால், முகக்கவசம் அணிந்து தனிமனித இடைவெளியை கடைபிடியுங்கள். வெளியே சென்று வீட்டிற்குள் செல்லும் முன்னர் கை, கால்களை சுத்தம் செய்துகொள்ளுங்கள்.