இந்திய தகவல் ஒளிபரப்புத்துறை அமைச்சகம் மற்றும் எண்டா்டெயின்மென்ட் சொசைட்டி ஆஃப் கோவா அமைப்பு இணைந்து, வருடம்தோறும் கோவா திரைப்பட விழாவை நடத்தி வருகிறது. 

சர்வதேச தரத்திலான இந்தத் திரைப்பட விழாவில், உலகம் முழுவதிலும் இருந்து திரையுலகப் பிரபலங்கள் கலந்து கொள்வார்கள். வரும் நவம்பர் 20-ஆம் தேதி முதல் 28-ஆம் தேதி வரை கோவாவில் நடைபெறயுள்ளது.  வழக்கமாக 10 நாள்கள் நடைபெறும் கோவா திரைப்பட விழாவில் சுமார் 200 படங்கள் திரையிடப்படும். 50-ஆவது ஆண்டு விழா என்பதால், சுமார் 300 படங்கள் திரையிடப்படயுள்ளது.

மத்திய சுற்றுச்சூழல், வனம், பருவநிலை மாற்றம், தகவல் ஒலிபரப்புத் துறைகளின் அமைச்சர் பிரகாஷ் ஜாவடேகர், கோவா சர்வதேசத் திரைப்பட விழாவில் நடிகர் ரஜினிக்கு ICON OF GOLDEN JUBILEE OF #IFFI2019 என்கிற சிறப்பு விருது வழங்கப்படுகிறது என்று டுவிட்டரில் தெரிவித்து இருந்தார்.

இந்நிலையில், நடிகர் ரஜினிக்கு வாழ்த்து தெரிவிக்கும் விதமாக தெலுங்கானா மாநில ஆளுநர் தமிழிசை சவுந்தரராஜன் தன்னுடைய டுவிட்டர் பக்கத்தில், "அபூர்வ ராகங்கள் தொடங்கி பேட்ட வரை சாதித்ததை வாழ்த்தி வாழ்நாள் சாதனையாளர் விருது. படையப்பா இன்னும்  பல சாதனைகளை படையப்பா.. என வாழ்த்துகிறேன்." என்று ட்வீட் போட்டு வாழ்த்தியுள்ளார்.

அபூர்வ ராகங்கள் தொடங்கி பேட்ட வரை சாதித்ததை வாழ்த்தி வாழ்நாள் சாதனையாளர் விருது. படையப்பா இன்னும் பல சாதனைகளை படையப்பா என வாழ்த்துகிறேன்

— Dr Tamilisai Soundararajan (@DrTamilisaiGuv) November 2, 2019