திமுக தலைவர் ஸ்டாலின் கஜா புயல் தாக்கியபோது பிரதமர் மோடி நேரில் வந்து பாதிக்கப்பட்ட மக்களுக்கு ஆறுதல் சொல்லவில்லை என தொடர்ந்து மத்திய ஆளும் கட்சியினை விமர்சித்து வருகிறார். மேலும், பல எதிர்க்கட்சிகளின் விமர்சங்களும் இதையே கூறுகின்றன.

இந்நிலையில், திமுக தலைவர் பிரதமர் அலுவலகம் ஃபானி புயல் பாதிப்பு தொடர்பாக பதிவிட்டுள்ள ட்வீட்டை மேற்கோள் காட்டி விமர்சனம் செய்தார்.

இதைப்போல்தான் கஜா புயல் வந்த போதும் பிரதமர் செய்தார். ஒரு டுவிட்டர் செய்திகூட அனுப்பவில்லை. என. ஸ்டாலின் பொய்பிரச்சாரம். ஏன்வரவில்லை?வரவில்லை? என்று கேட்ட வாழைப்பழக்கதை போல் கேட்ட. ஊழல் களவாணிகளே! இதுதான் PMO நடைமுறை! ஆக! புரிந்ததா? ஆக!ஆகா?ஆக! https://t.co/GUCYJ7EHoN

— Chowkidar Dr Tamilisai Soundararajan (@DrTamilisaiBJP) May 4, 2019

இதற்கு பதிலளிக்கும் விதமாக தமிழிசை தனது ட்விட்டரில், "இதைப்போல்தான் கஜா புயல் வந்த போதும் பிரதமர் செய்தார். ஒரு ட்விட்டர் செய்திகூட அனுப்பவில்லை. என ஸ்டாலின் பொய் பிரச்சாரம். ஏன் வரவில்லை?வரவில்லை? என்று கேட்ட வாழைப்பழக்கதை போல். இதுதான் PMO நடைமுறை! ஆக! புரிந்ததா? ஆக! ஆகா?ஆக!" எனப் பதிவிட்டுள்ளார்.

இவ்வாறு ஸ்டாலின் அடிக்கடி பயன்படுத்தும் சொல்லான, "ஆக" என்பதை குறிப்பிட்டு கிண்டல் செய்யும் விதமாக தமிழிசை பதிவிட்டிருப்பது, அரசியல் வட்டாரங்கள் மற்றும் சமூக வலைத்தளங்களில் பரபரப்பை ஏற்படுத்தியுள்ளது.