#Breaking: பென்னிகுவிக் இல்லத்தை இடிக்க மருத்துவர் இராமதாஸ் எதிர்ப்பு.. மாற்று இடத்தில் பிரம்மாண்டமாக நூலமாக அமையுங்கள்..!
PMK Dr Ramadoss Condemn about Madurai Library Construct After Demolish John Pennycuick House
பென்னிகுவிக் வாழ்ந்த பொதுப்பணித்துறைக்கு சொந்தமான வீட்டை இடிக்கும் திட்டத்தை தமிழக அரசு கைவிட்டு, அதனை நினைவு இல்லமாக அறிவிக்க வேண்டும், நூலகத்திற்கு மாற்று இடத்தை தேர்வு செய்து பிரம்மாண்டமாக அதனை கட்ட வேண்டும் என பாமக நிறுவனர் மருத்துவர் இராமதாஸ் தெரிவித்துள்ளார்.
மருத்துவர் இராமதாஸின் ட்விட்டர் பதிவில், " மதுரையில் கலைஞர் நூலகம் அமைப்பதற்காக, மதுரை காவல்துறை ஆணையர் அலுவலகம் அருகில் உள்ள முல்லைப்பெரியாறு அணையை கட்டிய பென்னிகுவிக் வாழ்ந்த பொதுப்பணித்துறைக்கு சொந்தமான வீட்டை இடிக்கும் திட்டத்தை தமிழக அரசு கைவிட வேண்டும்.
கலைஞர் பெயரில் அறிவை வளர்க்கும் கருவியான நூலகத்தை அமைப்பது வரவேற்கத்தக்கது. அதற்காக பென்னிகுவிக் வாழ்ந்த இல்லத்தை இடிப்பது முறையல்ல. பொதுப்பணித்துறை செயல் பொறியாளர் வசிப்பிடமாக உள்ள அந்த இல்லத்தை பென்னிகுவிக் நினைவு இல்லமாக அறிவிக்க வேண்டும்.
மதுரை பாண்டி கோயில் பகுதி உள்ளிட்ட பல இடங்களில் அரசுக்கு சொந்தமான நிலங்கள் அதிகமாக உள்ளன. அங்கு இப்போது திட்டமிடப்பட்டதை விட இன்னும் பிரம்மாண்டமாக நூலகம் அமைக்கலாம். அதற்காக நடவடிக்கைகளை அரசு எடுக்க வேண்டும் " என்று தெரிவித்துள்ளார்.
English Summary
PMK Dr Ramadoss Condemn about Madurai Library Construct After Demolish John Pennycuick House