சர்தார் பூட்டா சிங் கடந்த 21 மார்ச் 1934 ஆம் வருடம் பஞ்சாபின் ஜலந்தர் மாவட்டம் முஸ்தபாபூரில் மசாபி பகுதியில் பிறந்தார். ஜலந்தரில் உள்ள லியால்பூர் கல்சா கல்லூரியில் கல்வி கற்ற இவர், பி.ஏ. மற்றும் எம்.ஏ படிப்புகளை மும்பையில் உள்ள குரு நானக் கல்சா கல்லூரியில் நிறைவு செய்தார்.

கடந்த 1964 ஆம் வருடத்தில் மஞ்சித் கவுர் என்பவரை திருமணம் செய்துகொண்ட நிலையில், இந்த தம்பதியருக்கு மூன்று குழந்தைகள் உள்ளனர். தனது துவக்க வாழ்க்கையை பத்திரிகையாளராக தொடங்கிய சர்தார் பூட்டா சிங், துவக்கத்தில் பத்திரிகையாளராக பணியாற்றி பின்னாளில் அரசியல்வாதியாக மாறினார். 

இந்நிலையில், பக்கவாதம் காரணமாக மருத்துவமனையில் சிகிச்சை பெற்று வந்த சர்தார், தனது 86 வயதில் இயற்கையை எய்தியுள்ளார். இது குறித்து முன்னாள் மத்திய நிதியமைச்சர் சிதம்பரம் பதிவு செய்துள்ள ட்விட்டர் பதிவில், " முன்னாள் உள்துறை அமைச்சர் சர்தார் பூட்டா சிங் காலமானது எனக்கு மிகுந்த வருத்தத்தை அளிக்கிறது. 

கடந்த 1985 -1989 ஆம் வருடத்தில் காங்கிரஸ் அரசாங்கத்தின் போது அவருடன் பணியாற்றும் பாக்கியம் எனக்கு கிடைத்தது. அவரது குடும்பத்தினருக்கு எனது இரங்கலைத் தெரிவித்துக் கொள்கிறேன் " என்று தெரிவித்துள்ளார்.

I am deeply saddened by the passing away of Sardar Buta Singh, former Home Minister.

I had the privilege of working with him during the Congress government in 1985-1989. I convey my sincere condolences to his family

— P. Chidambaram (@PChidambaram_IN) January 2, 2021

Tamil online news Today News in Tamil