சிவகங்கையில் ஓ.பன்னீர்செல்வம் அணியினர் நடத்தும் ஆர்ப்பாட்டத்துக்கு அனுமதி வழங்கி உயர்நீதிமன்ற மதுரை கிளை உத்தரவு பிறப்பித்துள்ளது.

சிவகங்கை மாவட்டம், கீழ்பதி கிராமத்தில் அதிமுக (இபிஎஸ்) சார்பில் பொதுக்கூட்டம் நடத்த அனுமதி கோரி அக்கட்சியின் எம்எல்ஏ செந்தில்நாதன் மனுதாக்கல் செய்திருந்தார்.

இந்த பொதுக்கூட்டத்திற்கு எதிராகவும், எடப்பாடி பழனிசாமிக்கு எதிர்ப்பு தெரிவித்தும் சிவகங்கை அரண்மனை வாசல் அருகே ஓபிஎஸ் சார்பில் ஆர்ப்பாட்டம் நடத்த அனுமதி கோரி மனுதாக்கல் செய்யப்பட்டது.

இந்த வழக்கை நேற்று விசாரணை செய்த நீதிபதி இளங்கோவன், சட்டத்துக்குட்பட்டு 2 மனுக்கள் மீதும் முடிவெடுக்க சிவகங்கை டிஎஸ்பி-க்கு உத்தரவு பிறப்பித்தார்.

நீதிமன்றம் உத்தரவின் பேரில், சிவகங்கை டி.எஸ்.பி., சிபிசாய் சவுந்தர்யன் பைபாஸ் ரோட்டில் ஜெ., திடலில் அ.தி.மு.க., பொதுக்கூட்டத்தை நடத்திக்கொள்ள அனுமதி வழங்கி, சட்ட ஒழுங்கு பிரச்சனையை சுட்டிக்காட்டி ஓபிஎஸ் தரப்பு ஆர்ப்பாட்டத்திற்கு அனுமதி மறுத்து சிவகங்கை டிஎஸ்பி-க்கு உத்தரவு பிறப்பித்தார்.

சிவகங்கை டிஎஸ்பி-க்கு உத்தரவு  எதிராக, ஆர்ப்பாட்டம் நடத்த அனுமதிகோரி ஓபிஎஸ் ஆதரவாளர் அசோகன் உயர்நீதிமன்ற கிளையில் வழக்கு தொடர்ந்தார். 

இந்நிலையில், ஓபிஎஸ் ஆதரவாளர் அசோகன் தொடர்ந்த வழக்கை விசாரணை செய்த நீதிமன்றம், ஆர்ப்பாட்டத்திற்கு அனுமதி வழங்கி உத்தரவிட்டுள்ளது.