பீகார் : கள்ள சாராயத்தால் தொடரும் உயிரிழப்பு.. ஐவர் பரிதாப பலி..!

கள்ளசாயாரம் குடித்து ஐந்து பேர் பலியான சம்பவம் சோகத்தை ஏற்படுத்தியுள்ளது.

பீகாரில் மாநிலத்தில் மதுவிலக்கு சட்டம் கடந்த 6 ஆண்டுகளாக நடைமுறையில் உள்ளது. இதனால், அங்கு பல இடங்களில் கள்ளசாராய விற்பனை அதிகரித்து வருகிறது.

இந்நிலையில், புக்சர் மாவட்டம் அன்சார் கிராமத்தைச் சேர்ந்தவர்கள் போலி மதுபானத்தை வாங்கி குடித்துள்ளனர். அவர்களில் 8 பேரின் உடல்நிலை பாதிக்கப்பட்டது. அவர்களில் 5 பேர் உயிரிழந்தனர். 3 பேருக்கு சிகிச்சை அளிக்கப்படுகிறது.

இந்த சம்பவம் தொடர்பாக காவல்துறையினர் வழக்குபதிவு செய்து விசாரணை மேற்கொண்டு வருகின்றனர். கள்ளசாராயத்தை தடுப்பதற்கு கடுமையான நடவடிக்கைகள் மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.