தமிழகத்தில் நடைபெறும் கிரிக்கெட்  தொடர் டி.என்.பி.எல். 20 ஓவர் கிரிக்கெட் போட்டி அடுத்த மாதம் ஜூலை 19-ந்தேதி திண்டுக்கல் நடைபெற உள்ளது.

இந்த தொடரில்  நடப்பு சாம்பியன் மதுரை பாந்தர்ஸ், சேப்பாக் சூப்பர் கில்லீஸ், தூத்துக்குடி பேட்ரியாட்ஸ், கோவை கிங்ஸ், திருச்சி வாரியர்ஸ், காஞ்சி வீரன்ஸ், திண்டுக்கல் டிராகன்ஸ், காரைக்குடி காளை ஆகிய 8 அணிகள் விளையாட உள்ளது.

தமிழ்நாடு பிரிமியர் லீக் தொடரில்  ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் முதல் 4 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெரும். இந்த ஆட்டம் தனமும்  இரவு 7.15 மணிக்கு தொடங்கும். இதில்  2 லீக் ஆட்டங்கள் நடைபெறும் நாட்களில் முதல் ஆட்டம் மட்டும்  பிற்பகல் 3.15 மணிக்கு நடைபெறும்.

இந்த தொடருக்கான  அட்டவணை நேற்று வெளியானது. முதலில் திண்டுக்கல்லில் உள்ள நத்தத்தில் வருகிற 19-ந் தேதி நடைபெறும் தொடக்க லீக் ஆட்டத்தில் முன்னாள் சாம்பியனான சேப்பாக் சூப்பர் கில்லீஸ் அணி, திண்டுக்கல் டிராகன்சை சந்திக்கிறது. நடப்பு சாம்பியன் மதுரை பாந்தர்ஸ் அணி தனது முதல் லீக் ஆட்டத்தில் 20-ந் தேதி முன்னாள் சாம்பியனான தூத்துக்குடி பேட்ரியாட்ச்சையிடம் விளையாட உள்ளது.

தமிழ்நாடு பிரிமியர் லீக் தொடர் திண்டுக்கல்லில் உள்ள  நத்தம், நெல்லையில் தலா 15 ஆட்டங்களும், சென்னையில் இறுதிப்போட்டி உள்பட 2 ஆட்டங்களும் நடைபெற உள்ளது. தொடரின் இறுதிப்போட்டி சென்னை சேப்பாக்கம் மைதானத்தில் ஆகஸ்டு 18-ந் தேதி நடைபெறும்.