சென்னையில் நடைபெறும் தேசிய ஹாக்கி சாம்பியன்ஷிப் போட்டி லீக் ஆட்டத்தில் தமிழக அணி வெற்றி!
National hockey championship competition Chennai Won
சென்னையில் நடந்து வரும் தேசிய ஹாக்கி சாம்பியன்ஷிப் போட்டியில் மொத்தம் 41 அணிகள் கலந்துகொள்கின்றன. இதில் தமிழக அணி 2 போட்டியில் வெற்றி பெற்றது.
இந்நிலையில், சென்னையில் 5வது நாளாக நடக்கும் தேசிய ஹாக்கி சாம்பியன்ஷிப் போட்டியில் அசாம் அணிக்கு எதிராக தமிழக அணி ஆடியது.
தமிழக அணி தனது இரண்டாவது போட்டியில் அசாம் அணியுடன் மோதி வெற்றியை கைப்பற்றியது. 13-1 என்ற கோல் கணக்கில் அசாம் அணியை வீழ்த்தியதன் மூலம் ஜி பிரிவில் தமிழக அணி முதலிடம். தமிழக வீரர்கள் ராயர் 4 கோல், தாமு, செல்வராஜ், ஜோஷ்வா, மணிகண்டன் தலா 2 கோல் அடித்தனர்.
இதற்கு முன் நடத்த முதல் லீக் போட்டியில் மத்திய தொழில்துறை பாதுகாப்பு அணியை வீழ்த்தி தமிழகம் வெற்றி பெற்றது. அதாவது, 4-2 என்ற கணக்கில் தமிழக அணி, மத்திய தொழில்துறை பாதுகாப்பு அணியை வீழ்த்தி வெற்றி பெற்றது என்பது குறிப்பிடத்தக்கது.
English Summary
National hockey championship competition Chennai Won