இன்றைய (24.05.19) ராசிபலன்: இன்று, இந்த ராசிக்காரர்களுக்கு காதல் கைகூடும்?
may 24 rasipalan
மேஷம்:
குறுகிய தூர பயணங்களால் மனமகிழ்ச்சி ஏற்படும். நிர்வாகத் துறையில் உள்ளவர்களுக்கு பாராட்டுகள் கிடைக்கும். நீர்வழி வியாபாரங்களால் சுமாரான தனவரவு உண்டாகும். புதிய முயற்சியில் சாதகமான நிலை உண்டாகும். விருந்துகளில் கலந்து கொள்வீர்கள். எதிர்வாதத்தால் எதிர்பார்த்த பலன்கள் கிடைக்கும்.
ரிஷபம்:
இளைய சகோதரர்கள் அனுகூலமாக நடந்து கொள்வார்கள். வெளியூர் பயணங்களை மேற்கொள்வீர்கள். உடல்நலத்தில் முன்னேற்றம் உண்டாகும். திடீர் யோகத்தால் தனவரவு கிடைக்கும். சுயதொழிலில் மேன்மையான சூழல் ஏற்படும். புத்துணர்ச்சி பெறுவீர்கள். புதிய வாகனங்களை வாங்குவதற்கான பணிகளை மேற்கொள்வீர்கள்.
மிதுனம்:
பணிபுரியும் இடங்களில் கவனமாக இருக்க வேண்டும். பிறரிடம் வேலைகளை கொடுக்காமல் நீங்களே முடிப்பது சிறப்பு. வீண் அலைச்சல்களால் உடல்சோர்வு உண்டாகும். மற்றவர்களின் செயல்களில் தலையிடாமல் இருப்பது நன்மை அளிக்கும். கொடுக்கல், வாங்கலில் எச்சரிக்கை வேண்டும்.
கடகம்:
நண்பர்களின் ஒத்துழைப்பால் தொழிலில் இலாபம் உண்டாகும். மனைவியின் ஆதரவால் சேமிப்பு உயரும். கூட்டாளிகளால் சுப விரயம் ஏற்பட்டு தொழிலை அபிவிருத்தி செய்வீர்கள். கெளரவ பதவிகள் கிடைப்பதற்கான வாய்ப்புகள் உண்டாகும். உறவினர்களின் வருகையால் மகிழ்ச்சியான சூழல் அமையும்.
சிம்மம்:
புதிய மனை வாங்குவதற்கான எண்ணங்கள் மேலோங்கும். கால்நடைகளால் எதிர்பார்த்த இலாபம் கிடைக்கும். சக ஊழியர்களிடம் நிதானமாக நடந்து கொள்ளவும். பூர்வீகச் சொத்துகளால் தனவிரயம் உண்டாகும். தொழில் வகை அலைச்சல்கள் உண்டாகும். எதிர்பாராத பயணங்கள் கைக்கூடும்.
கன்னி:
செய்யும் தொழிலால் கீர்த்தி உண்டாகும். புதிய யுக்திகளை கையாண்டு தொழிலை அபிவிருத்தி செய்வீர்கள். தந்தை மற்றும் மகனுக்குமான உறவு மேம்படும். தலைமை பதவி கிடைப்பதற்கு சாதகமான சூழல் உண்டாகும். உயர் அதிகாரிகளால் பாராட்டப்படுவீர்கள். பூர்வீக சொத்துக்களால் அனுகூலமான பலன்கள் கிடைக்கும்.
துலாம்:
உத்தியோகத்தில் திறமைக்கேற்ப பதவி உயர்வும், வழிகாட்டுதலும் கிடைக்கும். உறவினர்களிடமிருந்து சாதகமான செய்திகள் கிடைக்கும். கால்நடைகளால் இலாபம் உண்டாகும். வாகனப் பயணங்களால் மாற்றம் உண்டாகும். எதிர்பாராத செய்திகளால் விரயங்கள் உண்டாகும்.
விருச்சகம்:
சகோதரர்களால் சுபச் செய்திகள் கிடைக்கும். புத்திரர்களின் ஆதரவால் சேமிப்பு உயரும். வெளிநாட்டு பயணங்களால் அனுகூலமான இலாபம் உண்டாகும். ஆபரணச்சேர்க்கை உண்டாகும். குடும்ப உறுப்பினர்களின் ஆதரவால் எண்ணிய எண்ணம் ஈடேறும். மாணவர்களுக்கு கல்வியில் முன்னேற்றமான சூழல் அமையும்.
தனுசு:
குடும்ப உறுப்பினர்களிடம் வீண் விவாதங்களை தவிர்க்கவும். பொருட்களை கையாளும்போது கவனமாக இருக்க வேண்டும். பொதுக்கூட்டப் பேச்சில் ஈடுபடுபவர்கள் பேச்சில் கவனமாக இருக்க வேண்டும். உடல் ஆரோக்கியத்தில் சற்று கவனம் வேண்டும். உயர் அதிகாரிகளிடம் சாதகமற்ற சூழல் உண்டாகும்.
மகரம்:
நண்பர்களின் உதவியால் பொருளாதாரத்தில் மாற்றம் ஏற்படும். புதிய தொழில் சார்ந்த முயற்சிகள் எண்ணிய வெற்றியை தரும். பொருட்சேர்க்கையால் மகிழ்ச்சி அடைவீர்கள். உத்தியோகஸ்தரர்களுக்கு பணியில் புதிய வாய்ப்புகள் கிடைக்கும். குடும்ப உறுப்பினர்களுக்கிடையே அனுகூலமான சூழல் உண்டாகும்.
கும்பம்:
கடல் மார்க்க செய்திகளால் அனுகூலமான பலன்கள் கிடைக்கும். வாக்குவன்மையால் அனைவரையும் கவர்வீர்கள். குடும்ப உறுப்பினர்களின் ஆதரவு கிடைக்கும். உடல் ஆரோக்கியத்தில் கவனம் வேண்டும். பணியில் உள்ளவர்கள் சக ஊழியர்களை அனுசரித்துச் செல்லவும். அரசாங்கத்திடமிருந்து எதிர்பார்த்த அனுகூலமான செயல்கள் நடைபெறும்.
மீனம்:
உத்தியோகஸ்தரர்களுக்கு பணியில் சாதகமான சூழல் உண்டாகும். புதிய முயற்சிகளில் எதிர்பார்த்த வெற்றி கிடைக்கும். கணவன், மனைவிக்கிடையே உறவு மேம்படும். எதிர்பார்த்த உதவிகள் கிடைக்கும். உத்தியோகஸ்தரர்களுக்கு பொறுப்புகள் அதிகரிக்கும். மாணவர்களின் அறிவுக்கூா்மை வெளிப்படும்.