பிரதமர் மோடியை ‘காப்பியடித்த’ அதிபர் டிரம்ப்! இதை கவனித்தீர்களா?!
trump hindi twit
அமெரிக்க அதிபர் டிரம்ப் இன்று காலை இந்தியா வந்தடைந்தார். அவரை இந்தியப் பிரதமர் மோடி வரவேற்று சிறப்பித்தார். பின்னர் குஜராத்தில் உள்ள மொடேரா மைதானத்தில் நமஸ்தே டிரம்ப் என்ற நிகழ்வானது மிகவும் சிறப்பாக நடைபெற்றது.
அதில் கலந்து கொண்டு பேசிய அமெரிக்க அதிபர் டிரம்ப், சிறப்பான வரவேற்புக்கு நன்றி கூறி பின்னர் அவரது உரையை நீட்டித்தார். இந்தியாவின் பல சிறப்பான திட்டங்களையும் பாராட்டி பேசியதோடு வாழ்த்துக்களையும், பாராட்டுக்களையும் தெரிவித்தார்.
இந்தநிலையில் அவர் இந்தியா வருகை தருவதற்கு முன்னதாக அவரது டுவிட்டர் பக்கத்தில் ஹிந்தி மொழியில் ட்விட் செய்து வெளியிட்டிருந்தார். அந்த ட்விட்டில் நாங்கள் இந்தியா வருவதை ஆர்வமாக எதிர்நோக்குகிறோம், சில மணி நேரங்களில் இந்தியா வந்து அனைவரும் சந்திப்போம் என்று குறிப்பிட்டிருந்தார்.
பொதுவாக, மோடி தான் இந்த பாணியை பின்பற்றி கலக்குவார். ஆனால் தற்போது மோடியின் பாணியை டிரம்ப் பின்பற்றி இருக்கிறார். மேலும் 2 நாட்கள் டிரம்ப் இந்தியாவில் பயணம் செய்ய இருக்கிறார் என்பது குறிப்பிடத்தக்கது.