மின்விசிறி இல்லா அறையில் அடைத்தனர்! – அரசியல் அனுபவம் பகிர்ந்த காங்கிரஸ் தலைவர்...!

ஸ்ரீபெரும்புதூரில் காஞ்சிபுரம் மாவட்ட காங்கிரஸ் சார்பில் நடைபெற்ற SIR ஆலோசனை மற்றும் வாக்குச்சாவடி முகவர் பயிற்சி கூட்டத்தில், காங்கிரஸ் மாநிலத் தலைவர் செல்வப்பெருந்தகை கலந்து கொண்டு உரையாற்றினார்.

பின்னர் ஊடகங்களிடம் பேசிய அவர்,“த.வெ.க. தலைவர் விஜய்க்கே மட்டும் நெருக்கடி என்று கூறுவது தவறானது. அரசியல் தடை, அழுத்தம் என்கிற சூழல் எனக்கும் புதிதல்ல. என்னால் நடத்தப்பட்ட பல ஆர்ப்பாட்டங்களுக்கு அனுமதி மறுக்கப்பட்டிருக்கிறது.

நமது ஆட்சியிலேயே, ‘இந்தியா’ கூட்டணியின் காலத்திலும், பலமுறை என்னை கைது செய்தனர். ஒருமுறை சைதாப்பேட்டையில் மின்விசிறி கூட இல்லாத சிறிய அறையில் அடைத்து வைத்தனர்"என்று செல்வப்பெருந்தகை வெளிப்படையாக தெரிவித்தார்.