ஆந்திர முதலமைச்சரும், ஒய் எஸ் ஆர் காங்கிரஸ் கட்சித் தலைவருமான ஜெகன்மோகன் ரெட்டி இன்று தனது 47வது பிறந்தநாளை கொண்டாடுகிறார், இதையொட்டி அரசியல் கட்சி தலைவர்கள் பலரும் அவருக்கு வாழ்த்து தெரிவித்து வருகின்றனர்.

Birthday wishes to Andhra Pradesh CM Shri @ysjagan. Praying for his long and healthy life.

— Narendra Modi (@narendramodi) December 21, 2019

இந்த நிலையில், பிறந்தநாள் வாழ்த்துக்கள் ஜெகன் மோகன் ரெட்டி, நீங்கள் ஆரோக்கியத்துடன்  நீண்ட நாட்கள் வாழ பிரார்த்திக்கிறேன் என பிரதமர் மோடி தனது டுவிட்டர் பக்கத்தில் வாழ்த்து தெரிவித்திருந்தார்.

அதேபோல, தமிழக முதலமைச்சர் எடப்பாடி பழனிச்சாமி ஜெகன் மோகனுக்கு பிறந்தநாள் வாழ்த்து தெரிவித்து கடிதம் அனுப்பி உள்ளார், அதில் , ஆந்திர மாநிலம் சிறப்பாக இருக்க ஜெகன்மோகன் ரெட்டி நல்ல ஆரோக்கியத்துடன் நீண்ட ஆயுளுடன் வாழ இறைவனை பிரார்த்திக்கிறேன் என தெரிவித்தார்.

திமுக தலைவர்  ஸ்டாலினும் ஜெகன்மோகன் ரெட்டிக்கு வாழ்த்துக்களை தெரிவித்துள்ளார். ஆந்திர முதலமைச்சர் ஒய் எஸ் ஆர் காங்கிரஸ் கட்சித் தலைவருமான ஜெகன்மோகன் ரெட்டிக்கு பிறந்தநாள் வாழ்த்துக்கள். ஆந்திர மக்களுக்கும் நாட்டுக்கும் பல ஆண்டுகள் நீங்கள் சேவை செய்ய வேண்டும் என்று வாழ்த்துகிறேன் என திமுக தலைவர் மு க ஸ்டாலின் தனது டுவிட்டர் பக்கத்தில் தெரிவித்துள்ளார்.

My best wishes to @YSRCParty President and Chief Minister of Andhra Pradesh Thiru @ysjagan on his birthday.

I wish him many more years in service of the people of Andhra Pradesh and the country.

— M.K.Stalin (@mkstalin) December 21, 2019