அதிமுகவுக்கு அடுத்த ஷாக்...! கட்சியில் இருந்து திடீரென விலகினார் முன்னாள் எம்.பி வேணுகோபால்...!

அதிமுக முன்னாள் எம்.பி டாக்டர் வேணுகோபால் அதிமுகவில் இருந்து விலகியிருப்பது அரசியல் வட்டாரங்களில் பெரும் பரபரப்பை ஏற்படுத்தியுள்ளதாக தெரிவிக்கப்படுகிறது.

அதிமுக சார்பில் 2009 மற்றும் 2014 ஆகிய ஆண்டுகளில் தொடர்ந்து இருமுறை திருவள்ளூர் நாடாளுமன்ற தொகுதியில் வெற்றி பெற்று மக்களவை உறுப்பினராக பதவி வகித்தவர் டாக்டர் வேணுகோபால் என்பது குறிப்பிடத்தக்கது.

மேலும், 2017-ஆம் ஆண்டு அதிமுக நாடாளுமன்ற குழுத் தலைவராகவும் செயல்பட்ட அவர், தற்போது கட்சியிலிருந்து விலகுவதாக அறிவித்துள்ளதாக தெரிவிக்கப்படுகிறது.

பட்டியல் சமூக மக்களிடையே அதிமுக தனது நம்பிக்கையை இழந்து வருவதாகவும், கட்சியின் தற்போதைய செயல்பாடுகள் அனைவரையும் ஒருங்கிணைத்து செல்லும் வகையில் இல்லை என்றும் அவர் குற்றச்சாட்டு முன்வைத்துள்ளதாக தெரிவிக்கப்படுகிறது.

அதேபோல், எடப்பாடி கே. பழனிசாமி தலைமையின் அணுகுமுறை குறித்து அதிருப்தி வெளியிட்டுள்ள டாக்டர் வேணுகோபால், கட்சியில் கருத்து வேறுபாடுகள் அதிகரித்து வருவதாகவும் சுட்டிக்காட்டியுள்ளதாக தெரிவிக்கப்படுகிறது.