சத்தான கோதுமை ரவா தோசை செய்வது எப்படி?
சத்தான கோதுமை ரவா தோசை செய்வது எப்படி?
சுவையான கோதுமை ரவா தோசை செய்வது எப்படி என்று பார்ப்போம்.
தேவையான பொருட்கள் :
கோதுமை மாவு - முக்கால் கப்
அரிசி மாவு - கால் கப்
கோதுமை ரவை - அரை கப்
புளித்த மோர் - ஒரு கரண்டி
சீரகம் - ஒரு டீஸ்பூன்
வெங்காயம், பச்சை மிளகாய் - தலா ஒன்று
இஞ்சி - சிறு துண்டு
கொத்தமல்லி - ஒரு டேபிள்ஸ்பூன்
கறிவேப்பிலை - ஒரு ஆர்க்கு
எண்ணெய் - தேவையான அளவு
உப்பு - தேவையான அளவு.
செய்முறை:
கோதுமை ரவையை வெறும் கடாயில் போட்டு வறுத்து எடுத்து கொள்ளவும்.
வெங்காயம், பச்சை மிளகாய், கொத்தமல்லியை பொடியாக நறுக்கி எடுத்து கொள்ளவும்.
இஞ்சியை தோல் நீக்கி துருவிக்கொள்ளவும்.
ஒரு பாத்திரத்தில் அரிசி மாவு, கோதுமை மாவு, ரவை, உப்பு, சீரகம், மோர், பொடியாக நறுக்கிய இஞ்சி, பச்சை மிளகாய், வெங்காயம், கொத்தமல்லி, கறிவேப்பிலை சேர்த்து, தண்ணீர் விட்டு, தோசை மாவை விட நீர்க்கக் கரைத்துக் கொள்ளவும்.
அடுப்பில் நான்ஸ்டிக் தோசைக்கல்லை வைத்து சூடானதும் சிறிது எண்ணெயை தடவி, மாவை விளிம்பிலிருந்து வட்டமாக உள்புறம் ஊற்றவும். ஒரு டீஸ்பூன் எண்ணெயை சுற்றிலும் விட்டு, தோசை சிவந்ததும் திருப்பிப் போட்டு, முறுகலாக எடுத்துப் பரிமாறவும்.
சூப்பரான கோதுமை ரவா தோசை ரெடி.