பாஜக பிரமுகர் மீது சரமாரி துப்பாக்கி சூடு.. ஜம்முவில் வெறிச்செயல்.!!
Jammu Kashmir BJP party member attack by Terrorist
ஜம்மு காஷ்மீர் சிறப்பு அந்தஸ்து ரத்து செய்யப்பட்டதற்கு எதிர்ப்பு தெரிவித்து, பயங்கரவாதிகள் அங்குள்ள பாரதிய ஜனதா கட்சி தலைவர்களை தொடர்ந்து கொலை செய்து வருகின்றனர். ஜம்மு காஷ்மீர் மாநிலத்தில் உள்ள புத்காம் மாவட்டம் பாஜக தலைவர் அப்துல் அமீது நஜார் மீது பயங்கரவாதிகள் துப்பாக்கிச்சூடு நடத்தியுள்ளனர். இவர் மருத்துவமனையில் சிகிச்சை பெற்று வருகிறார்.
மொஹிந்த்போரா பகுதியில் வசித்து வரும் அப்துல், மாவட்ட பாஜக இதர பிற்படுத்தப்பட்டோர் பிரிவு தலைவராக இருந்து வருகிறார். இந்நிலையில், இன்று காலை நேரத்தில் இவர் மீது பயங்கரவாதிகள் திடீரென சரமாரியாக துப்பாக்கிச்சூடு நடத்தியுள்ளனர்.
இதனால் படுகாயம் அடைந்த அவர், மருத்துவமனையில் சிகிச்சைக்காக அனுமதிக்கப்பட்டுள்ளார். இந்த விஷயம் தொடர்பாக காவல் துறையினர் விசாரணை மேற்கொண்டு வருகின்றனர். மேலும், சமீப காலமாகவே ஜம்மு-காஷ்மீர் மாநிலத்தில் பாரதிய ஜனதா கட்சியைச் சார்ந்த நபர்கள் மீது பயங்கரவாதிகள் துப்பாக்கிச்சூடு நடத்தி வரும் சம்பவம் அதிகரித்து இருக்கிறது.
Tamil online news Today News in Tamil
English Summary
Jammu Kashmir BJP party member attack by Terrorist