சீனாவிற்கு ஆப்படிக்க களமிறங்கிய அடுத்த அல்டிமேட் விமானம்.. கலக்கும் இந்தியா.!

இந்தியப் பெருங்கடல் பகுதிகளில் உலாவி வரும் சீன நீர்மூழ்கி கப்பல்களுக்கு எமனாக விளங்கும் பி 8 ரக போர் விமானத்தில், ஒன்பதாவது போயிங் விமானம் கோவா வந்தடைந்துள்ளது. நீருக்கு அடியில் செல்லும் நீர்மூழ்கிக் கப்பல்களின் நடமாட்டத்தை கண்டு, அவற்றை தாக்கி அழிக்கும் ஆயுதங்களை கொண்டு செல்லும் திறன் இந்த விமானங்களுக்கு உள்ளது. இது போன்ற 8 விமானங்கள் ஏற்கனவே இந்தியாவிடம் உள்ளது.

இவை கடற்படை பணியில் ஈடுபடுத்தப்பட்டுள்ளது. அடுத்த கட்டமாக தற்போது 4 விமானங்கள் ஆர்டர் செய்யப்பட்ட நிலையில், முதல் விமானம் தற்போது வந்து சேர்ந்துள்ளது. இதனைத்தவிர்த்து மேலும் 6 போர் விமானங்களும் வாங்கப்பட உள்ளது.

இந்திய பெருங்கடல் பகுதியில் சீன நீர்மூழ்கி கப்பல்களின் நடமாட்டத்தை கண்காணிக்கும் வகையில், இன்னும் சில ஆண்டுகளில் மொத்தமாக 22 பி 8 ரக போர் விமானங்கள் கடற்படையில் இணைக்கவும் திட்டமிடப்பட்டுள்ளது. லடாக் எல்லையில் உள்ள கிழக்கு பகுதியில் பதற்றம் தொடர்ந்து நிலவி வரும் நிலையில், அங்கு உள்ள எல்லைப் பகுதிகளிலும் இந்த விமானங்கள் பயன்படுத்தப்பட்டு வருகிறது.