அசாம்.! ஆற்றில் படகு கவிழ்ந்த விபத்தில் மாயமான 5 பேரை தேடும் பணி தீவிரம்.!
Boat capsized in assam
அசாமில் ஆற்றில் படகு கவிழ்ந்த விபத்தில் மாயமான 5 பேரை தேடும் பணி தீவிரப்படுத்தப்பட்டுள்ளது.
கடந்த சில நாட்களாக அசாமில் தொடர்ந்து பெய்து வரும் கன மழையால் ஆறுகளில் வெள்ளப்பெருக்கு ஏற்பட்டுள்ளது. மேலும் குடியிருப்பு பகுதிகளில் வெள்ளம் சூழ்ந்து காணப்படுகிறது.
இந்நிலையில் அசாமின் திப்ரூகார் நகர் ரோமோரியா பகுதியில் பிரம்மபுத்திரா நதியில் 9 பேருடன் படகு ஒன்று சென்றநிலையில், ஆற்றின் வேகத்தினால் நீரில் சிக்கி படகு கவிழ்ந்து விபத்துக்குள்ளானது.
இதில் பயணித்த 9 பேரில் 4 பேர் மட்டும் நீந்தி கரை வந்து சேர்ந்துள்ளனர். மீதமுள்ள 5 பேர் மாயமானதையடுத்து, இதுகுறித்து தகவல் அறிந்து வந்த தேசிய மற்றும் மாநில பேரிடர் நிவாரண படை வீரர்கள், அந்த பகுதிக்கு சென்று காணாமல் போனவர்களை தேடும் பணியில் தீவிரமாக ஈடுபட்டு வருகின்றனர்.