மாஸாக ஓடிடியில் வெளியாகவுள்ள விக்ரம்.! இதுதான் வெளியாகும் தேதி.?!
vikram ott date release
இயக்குனர் லோகேஷ் கனகராஜ் இயக்கத்தில் உலகநாயகன் கமல்ஹாசன் நடித்துள்ள திரைப்படம் விக்ரம். இந்த படத்தில் விஜய் சேதுபதி, பகத் பாசில், சூர்யா, நரேன் உள்ளிட்ட திரை பிரபலங்கள் பலரும் நடித்துள்ளனர்.
இந்த படத்திற்கு அனிருத் இசையமைத்துள்ளார். ரசிகர்களின் பெரும் எதிர்பார்ப்புக்கு மத்தியில் விக்ரம் திரைப்படம் கடந்த ஜூன் 3-ல் திரையரங்குகளில் வெளியானது.
கடந்த ஜூன் 3-ல் வெளியான விக்ரம் படம் அட்டகாசமான விமர்சனங்களை பெற்று வருகிறது. இதுவரை படம் உலகம் முழுவதும் ரூ.400 கோடியை தாண்டி வசூல் செய்ததாக கூறப்படுகிறது. இதுவரை தமிழகத்தில் மட்டும் 19 நாட்களில் ரூ.175 கோடி வசூல் செய்துள்ளதாக கூறப்படுகிறது.
இத்தகைய சூழலில், தற்போது விக்ரம் திரைப்படம் எப்பொழுது ஓடிடியில் வெளியாகும் என்று எதிர்பார்ப்பு ஏற்பட்டுள்ள நிலையில், வரும் ஜூலை 1ஆம் தேதி டிஸ்னி பிளஸ் ஹாட்ஸ்டார் தளத்தில் விக்ரம் படம் வெளியாக உள்ளதாக கூறப்படுகிறது. விரைவில் அதிகாரப்பூர்வ அறிவிப்பு வெளியாகும் என்று தெரிவிக்கப்படுகிறது.