புராண வரலாற்றை திரைமேடையில் புதிய ஒளியில் அழகுபடுத்திய ‘மகாவதார் நரசிம்மா’ – இப்போது உலக மேடையில் பெருமையை நோக்கி பாய்கிறது! 2026-ம் ஆண்டுக்கான 98வது அகாடமி விருதுகளில் ‘சிறந்த அனிமேஷன் திரைப்பட’ பிரிவில் நேரடி ஆஸ்கர் ரேஸில் இந்த மாபெரும் புராண அனிமேஷன் திரைப்படம் அதிகாரப்பூர்வமாக இடம் பிடித்துள்ளது.

சமீபத்தில் Academy of Motion Picture Arts and Sciences வெளியிட்ட பரிசீலனையில் உள்ள 35 சிறந்த அனிமேஷன் படங்களின் பட்டியலில், ‘மகாவதார் நரசிம்மா’ இடம்பெற்றது பெரும் கவனம் பெற்றுள்ளது.

‘K-Pop Demon Hunter’, ‘Zootopia 2’ மற்றும் ‘Demon Slayer: Kimetsu no Yaiba – Infinity Castle’ போன்ற உலகளாவிய பேசுபொருளான படங்களுடன் தலைநிமிர்ந்து போட்டியிட தயாராக இருக்கும் இந்தியப் புராண காவியம், புது சாதனையை நோக்கி முன்னேறுகிறது.

அஷ்வின் குமார் இயக்கத்தில், ஷில்பா தவான் – ஹோம்பாலே பிலிம்ஸ் நிறுவனத்தின் தயாரிப்பில் உருவான இந்த திரைப்படம், விஷ்ணுவின் அரை மனிதன் – அரை சிங்கமான நரசிம்ம அவதாரத்தின் வீரத்தையும் கொடூரத்தையும் நவீன அனிமேஷன் தொழில்நுட்பத்தில் பிரமாண்டமாக வடித்துள்ளது.

மகாவதார் சினிமாட்டிக் யூனிவர்ஸ் என திட்டமிடப்பட்ட 7 பாகத் தொடரின் முதல் படமாக வெளிவந்த இந்த ஆக்கை இன்று Netflix-ல் உலகம் முழுவதும் பார்வையாளர்கள் ரசித்து வருகின்றனர்.