தங்க சந்தையில் திடீர் திருப்பம்! ஏற்ற இறக்கத்தில் ஆடி விளையாடும் தங்க விலை...! இன்றைய விலை நிலவரம் என்ன...?

தங்கம் விலையில் கடந்த சில வாரங்களாக ரோலர் கோஸ்டர் போக்கே நீடிக்கிறது. முதலீட்டாளர்களின் கவனம் ஒரு நாள் தங்க சந்தையை நோக்கியும், மறுநாள் பங்கு சந்தையை நோக்கியும் தாவுவதால் விலை நிலை பெரிதும் பாதிக்கப்படுகிறது.

அக்டோபர் 17-ஆம் தேதி ஒரு சவரன் ரூ.97,600 என சரித்திர உயரத்தை தொட்ட தங்கம், அக்டோபர் 28-ஆம் தேதி ரூ.88,600 வரை சரிந்தது.இந்நிலையில், கடந்த சில நாட்களாக தங்கம் மீண்டும் உச்சத்தை நோக்கி ஏறிக்கொண்டே வந்தது.

நேற்று மட்டும் தங்கம் கிராமுக்கு ரூ.90, சவரனுக்கு ரூ.720 உயர்ந்து. ஒரு கிராம் ரூ.12,070, ஒரு சவரன் ரூ.96,560-க்கு விற்பனை செய்யப்பட்டது. ஆனால் இன்று விலைகள் மீண்டும் சிறிய தளர்வை கண்டன.
இன்றைய தங்கம் & வெள்ளி விலை நிலவரம்
சென்னை 22 கேரட் தங்கம் (ஆபரணத் தங்கம்)
சவரன் : ரூ.96,320 (ரூ.240 )
கிராம் : ரூ.12,040 (ரூ.30)
வெள்ளி விலை
கிராம் : ரூ.196 (மாற்றம் இல்லை)
கிலோ : ரூ.1,96,000
பங்கு சந்தை அதிர்வுகளும், சர்வதேச பொருளாதார சுழற்சிகளும் தங்க விலை எப்போது எவ்வாறு திரும்பும் என்ற கணக்கை முதலீட்டாளர்கள் வைத்திருக்க முடியாத சூழல் உருவாகியுள்ளது.