சர்வதேச பொருளாதார அலைச்சல்கள், அமெரிக்க டாலரின் வலிமை, அதற்கெதிரான இந்திய ரூபாயின் மதிப்பிழப்பு போன்ற காரணிகள் தங்க சந்தையை தொடர்ந்து ஆட்டிப்படைத்துக்கொண்டே இருக்கின்றன.

குறிப்பாக, அமெரிக்கா இந்திய இறக்குமதி பொருட்களுக்கு 50% வரி விதித்திருப்பதும், ரூபாய்–டாலர் மதிப்பில் ஏற்பட்ட வீழ்ச்சியும் தங்கத்தின் தினசரி விலை மாற்றத்தில் முக்கியப் பங்காற்றுகின்றன.

இந்த நிலவரத்தில், இன்றைய தங்க விலையில் திடீர் சரிவு பதிவாகியுள்ளது. சென்னையில் 22 காரட் ஆபரணத் தங்கம் ஒரு கிராமுக்கு ரூ.40 குறைந்து ரூ.12,000 என புதிய விலை நிர்ணயம் செய்யப்பட்டுள்ளது. அதேபோல், ஒரு பவுன் விலை ரூ.320 குறைந்து ரூ.96,000 என்ற அளவிற்கு இறங்கியுள்ளது.

இதற்கு மாறாக, வெள்ளி விலையோ உயர்வை கண்டுள்ளது. ஒரு கிலோ வெள்ளி ரூ.1,000 உயர்ந்து ரூ.1,99,000 ஆக விற்பனையாகிறது.
கடந்த சில நாட்களின் தங்க விலை (ஒரு பவுனுக்கு)
08.12.2025 — ₹96,320
07.12.2025 — ₹96,320
06.12.2025 — ₹96,320
05.12.2025 — ₹96,000
04.12.2025 — ₹96,160
03.12.2025 — ₹96,480
02.12.2025 — ₹96,320
01.12.2025 — ₹96,580
30.11.2025 — ₹95,840
29.11.2025 — ₹95,840
தங்கம் ஓரளவு சரிவைச் சந்திக்கும்போது, வெள்ளி விலை உயர்வு தனியே கவனம் ஈர்க்கும் வகையில் உள்ளது. வருகிற நாட்களில் சர்வதேச சந்தை மீதான தாக்கம், ரூபாய் விகிதம், அமெரிக்கா தொடர்பான வரி கொள்கைகள் ஆகியவை தங்க விலையில் மீண்டும் மாற்றத்தை ஏற்படுத்தும் என வணிக வட்டாரங்கள் கருதுகின்றன.